Рөстәм Хәмитов IV Рәсәй-Ҡырғыҙстан төбәк-ара конференцияһында сығыш яһаны

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 22 сентябрь. /«Башинформ» мәғлүмәт агентлығы, Илья Спиридонов/. 22 сентябрҙә Бешкәк ҡалаһында Башҡортостан Башлығы Рөстәм Хәмитов «Евразия иҡтисади союзы. Төбәк-ара хеҙмәттәшлектең яңы мөмкинлектәре» IV Рәсәй-Ҡырғыҙстан төбәк-ара конференцияһының пленар ултырышында сығыш яһаны.

Республика етәксеһе, Башҡортостандың Рәсәйҙең төп индустриаль, фәнни-мәғариф һәм мәҙәни үҙәктәренең береһе булыуын билдәләп, төбәктең иҡтисади һәм инвестиция ҡеүәте менән таныштырҙы.

– Беҙҙең өсөн партнерҙарыбыҙ менән халыҡ-ара бәйләнештәрҙе нығытыу өҫтөнлөклө булып тора. Былтыр улар менән сауҙа әйләнеше яҡынса 14 миллиард долларға еткән, шуларҙың 93 проценты – Башҡортостандан оҙатылған продукция. Әммә Ҡырғыҙстанға 150 миллион доллар самаһы ғына тура килә, – тине Рөстәм Хәмитов. – Әлбиттә, бәйләнештәрҙе диверсификацияларға кәрәк. Нефть тармағынан тыш, машина эшләүҙе, биотехнологияларҙы, мәғлүмәт технологиялары секторын, логистиканы, туризмды, ауыл хужалығын, аҙыҡ-түлек сәнәғәтен, мәғарифты, мәҙәниәтте йәлеп итеү зарур.

Башҡортостан Башлығы һүҙҙәренсә, ошо йүнәлештә әүҙем эш башланған. Әлеге ваҡытта рәсми эшҡыуарлыҡ делегациялары менән алмашыу бара.

Республика етәксеһе «төбәк менән төбәк» үҙ-ара килешеп эш итеү форматын илдәр араһындағы хеҙмәттәшлекте әүҙемләштереүҙең иң һөҙөмтәле йүнәлеше тип атаны.

– Ҡырғыҙстандан йәшелсә, еләк-емеш килтереүҙе, Башҡортостандан ашлыҡ, малсылыҡ продукцияһы, минераль ашламалар оҙатыуҙы яйға һалыу мөһим. Еңел сәнәғәт өсөн туранан-тура сеймал менән тәьмин итеү «үҫеш нөктәләре»нең береһе булыуы ихтимал. Эшҡыуарҙарыбыҙ Ҡырғыҙстанға килеп китте һәм беҙҙең предприятиеларҙы сеймал менән тәьмин итеү хаҡында килеште, – тип хәбәр итте төбәк етәксеһе.

Рөстәм Хәмитов Ҡырғыҙстандың эшлекле даирәләрен ШОС һәм БРИКС илдәре төбәктәренең Беренсе бәләкәй эшҡыуарлыҡ форумында ҡатнашырға саҡырҙы. Сара октябрь айында Өфөлә үтә. Республика Башлығы шулай уҡ 2016 йылда Рәсәй-Ҡырғыҙстан төбәк-ара конференцияһын Башҡортостандың баш ҡалаһында уҙғарырға тәҡдим итте.

Сығыштың тулы стенограммаһы республика Башлығының рәсми сайтында баҫылған.

#халыҡ-ара хеҙмәттәшлек #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.