Башҡортостандың Үҙәк һайлау комиссияһы эфир ваҡыты бүлеү буйынса йәрәбә үткәрҙе

IMPORT Сервисный

ӨФӨ, 2015 йыл, 30 июль. /«Башинформ» мәғлүмәт агентлығы, Ғәлиә Нәбиева/. Күмертау һайлау округы буйынса Башҡортостан Дәүләт Йыйылышы — Ҡоролтай депутатын өҫтәмә һайлауҙа теркәлгән кандидаттар бушлай эфир ваҡытын бүлде. Үҙәк һайлау комиссияһы радио, телевидение эфирҙарында кандидаттар өсөн йәрәбә үткәрҙе.

Йәрәбә һалыуҙа кандидаттар, кандидаттарҙың, һайлау берекмәләренең вәкилдәре ҡатнашты. Округ буйынса бөтәһе биш кандидат теркәлгән. Улар — ЛДПР-ҙан «Үҫеш» сауҙа-төҙөлөш компанияһы яуаплылығы сикләнгән йәмғиәтенең генераль директоры Артем Дьяченко, «Ғәҙел Рәсәй»ҙән «Стройинвест» яуаплылығы сикләнгән йәмғиәтенең директор урынбаҫары Александр Никитин, «Берҙәм Рәсәй»ҙән «Акрополь» яуаплылығы сикләнгән йәмғиәтенең генераль директоры Хәйҙәр Ғайсин, КПРФ-тан «Урал ресурстары» яуаплылығы сикләнгән йәмғиәтенең арбитраж идара итеүсеһе Николай Гладилов, «Рәсәй патриоттары»нан шәхси эшҡыуар Максим Варламов.

Кандидаттарҙың вәкилдәре Башҡортостан юлдаш телеканалы, «Юлдаш» радиоһы, «Рәсәй» (Рәсәй-1) телеканалы һәм «Рәсәй радиоһы»ның төбәк эфирында бушлай ваҡыт бүлде.

Сентябрҙә ике һайлау округында Дәүләт Йыйылышы дупутаттарын өҫтәмә һайлау ойошторола. Үҙәк һайлау комиссияһы Туймазы һәм Күмертау һайлау округтары буйынса өҫтәмә һайлауҙар тәғәйенләне.

Республика Дәүләт Йыйылышы депутаттары Константин Чистяков һәм Андрей Макаровтың вәкәләттәре ваҡытынан алда туҡтатылыуға бәйле ике мандат алмаштырыла.

Туймазы округы буйынса Башҡортостан Дәүләт Йыйылышына депутатлыҡҡа кандидаттар араһында эфир ваҡыты бүлеү буйынса йәрәбә 23 июлдә үтте.

#башҡортостан үҙәк һайлау комиссияһы #һайлауҙар #партиялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.