Вторник, 26 Мая 2026

Уфа

+17 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:54 (UTC+5), 02 Июля 2015

Рөстәм Хәмитов Башҡортостандың Йәмәғәт палатаһы ағзалары менән осрашты

Олег Яровиков

IMPORT Сервисный

ӨФӨ, 2015 йыл, 2 июль. /«Башинформ» мәғлүмәт агентлығы, Илья Спиридонов/. 1 июлдә республиканың Дәүләт Йыйылышы – Ҡоролтай йортонда Башҡортостан Башлығы Рөстәм Хәмитов Башҡортостан Республикаһының дүртенсе состав Йәмәғәт палатаһы ағзалары менән осрашты. Осрашыу барышында Йәмәғәт палатаһы эшенең бурыстары, халыҡҡа социаль ярҙам мәсьәләләре тикшерелде.

Республика Башлығы палатаның яңы составын эштең башланыуы, ә «Ҡала үҫеше йәмәғәт фонды» етәксеһе Ольга Панчихинаны Башҡортостандың Йәмәғәт палатаһы рәйесе итеп һайланыуы менән ҡотланы.

– Йәмәғәт палатаһының бынан алдағы составында эшләгәндәрҙең барыһына ла рәхмәт һүҙҙәрен еткерәм. Республикабыҙ өсөн мөһим, ҡыҙыҡлы, файҙалы эштәр башҡарылды. Йәмәғәт палатаһы, бер яҡтан, яңы идеялар тәҡдим итһә, икенсенән, ижтимағи тормошта күҙәтелгән киҫкен мәлдәрҙе хәл итте. Шулай итеп, Йәмәғәт палатаһы үҙенең кәрәклеген, мөһимлеген һәм кешеләр менән эшләй белеүен раҫланы, – тине Рөстәм Хәмитов.

Төбәк етәксеһе һүҙҙәренсә, бөгөн Башҡортостанда биш меңгә яҡын йәмәғәт ойошмалары эшләй.

Шанхай хеҙмәттәшлек ойошмаһы һәм БРИКС саммиттары хаҡында һөйләгәндә, Рөстәм Хәмитов Өфөнөң ҡунаҡтарҙы ҡабул итеүгә тулыһынса әҙер булыуын һыҙыҡ өҫтөнә алды.

Рөстәм Хәмитов уңайлы ҡала мөхитен, йәмғиәттә ыңғай әхлаҡи-психологик шарттар булдырыу Йәмәғәт палатаһы хәл итергә тейешле тәү сираттағы мәсьәләләр тип атаны.

Башҡортостандың Йәмәғәт палатаһы рәйесе Ольга Панчихина үҙ сығышында яңы состав алдындағы мөһим бурыстарҙы билдәләне. Улар араһында йәмәғәт контролен артабан да ғәмәлгә ашырыу, республиканың коммерцияға ҡарамаған ойошмалары өсөн берҙәм көйләүсе ресурс үҙәген һәм проект майҙансығын ойоштороу, йәмәғәт сруктуралары реестрын булдырыу һәм уларҙың эшмәкәрлеген яҡтыртыусы мәғлүмәт порталын әҙерләү бар.

Түңәрәк өҫтәл ваҡытында Йәмәғәт палатаһы ағзалары халыҡҡа социаль ярҙам, шул иҫәптән мәктәптә аҙ тәьмин ителгән ғаиләләрҙәге балаларҙың туҡланыуын ойоштороу, күп балалы ғаиләләргә төҙөлөш өсөн ер бүлеү, йәштәр өсөн торлаҡ һатып алыуға льготалы шарттар тыуҙырыу, республика ҡала һәм райондарында ҡаршылыҡһыҙ мөхит булдырыу мәсьәләләрен тикшерҙе.

Республика Башлығы Башҡорт дәүләт медицина университетының Онкология ғилми-тикшеренеү институты директоры Шамил Ганцевтың Йәмәғәт палатаһы ағзаларының Башҡортостандың Дәүләт Йыйылышы – Ҡоролтайҙа ҡаралған иң мөһим закон проекттарын алдан тикшереүҙә ҡатнашыуы тураһында тәҡдимен хупланы.

Иҫегеҙгә төшөрәбеҙ, Башҡортостандың Йәмәғәт палатаһы 2009 йылда ойошторолдо. Уның составына 30 кеше инә. Вәкәләттәрҙең ваҡыты – ике йыл. Республика Башлығы Указы менән республика һәм йәмғиәт алдындағы хеҙмәттәре булған граждандар араһынан палатаның 15 ағзаһы раҫлана. Артабан улар конкурс нигеҙендә һайлап алыу буйынса Башҡортостандың Йәмәғәт палатаһына йәмәғәт берләшмәләренең 15 вәкилен ағза итеп алыу тураһында ҡарар ҡабул итә.

1 из 8

#йәмәғәт палатаһы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.