Среда, 20 Мая 2026

Уфа

+26 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:39 (UTC+5), 08 Июня 2015

Рөстәм Хәмитов граждандарҙы ҡабул итте

Олег Яровиков

IMPORT Сервисный

ӨФӨ, 2015 йыл, 8 июнь. /«Башинформ» мәғлүмәт агентлығы, Илья Спиридонов/. 5 июндә Өфөлә республика Башлығы Рөстәм Хәмитов Рәсәй Президентының Башҡортостандағы ҡабул итеү бинаһында граждандарҙы ҡабул итте. Ике сәғәтлек аралашыу барышында республика етәксеһенә бер нисә ҡала һәм район халҡы мөрәжәғәт итте. Ҡабул итеү йомғаҡтары буйынса министрлыҡтарға һәм ведомстволарға тейешле йөкләмәләр бирелде.

Өфөлә йәшәүсе һуғыш инвалиды, республика Хеҙмәт һәм халыҡты социаль яҡлау министрлығының ҡаршылыҡһыҙ мөхит булдырыу мәсьәләләре буйынса йәмәғәт ярҙамсыһы Александр Никишкин Башҡортостан Башлығына сәләмәтлек мөмкинлектәре сикләнгән кешеләр ҡала юлдарында ҡаршылыҡһыҙ хәрәкәт итһен өсөн шарттар тыуҙырыуға бәйле хәл хаҡында һөйләне. Уның һүҙҙәренсә, Өфөлә инвалидтар йөрөй алырлыҡ объекттар күбәйә. Шуға ҡарамаҫтан, тротуарҙан йөрөй торған юлға төшөү урыны юҡ, унда бейек бордюрҙар ҡуйылған. Шуға бәйле Александр Никишкин юлдар, тротуарҙар, йәйәүлеләр үткәүелен төҙөгәндә һәм ремонтлағанда коляскала йөрөүсе инвалидтар, шулай уҡ балалар коляскалары һәм велосипедсылар төшә алырлыҡ урындарҙы күҙ уңында тотоуҙарын үтенде.

Төбәк етәксеһе билдәләүенсә, өс-дүрт йыл элек властар ошо мәсьәлә менән шөғөлләнә башланы, һөҙөмтәләр ҙә бар. Мәҫәлән, 2012-2014 йылдарҙа Өфөлә 800 тротуар участкаһында инвалид коляскаһы өсөн төшөү урыны эшләнгән, 2 250 бордюр түбәнәйтелгән. Әммә йыш ҡына муниципаль властар һәм подрядсылар быға иғтибар итмәй.

– Проектлаусылар һәм юлсылар үҙҙәрен коляскала юлды аша сығыусы йәки балалы ҡатын-ҡыҙҙар урынына ҡуя алмай. Шуға күрә ошо эште башҡарыусыларҙы даими күҙәтергә кәрәк, – тине Рөстәм Хәмитов.

Республика Башлығы Башҡортостан Хөкүмәтенең профилле вице-премьерҙарына һәм Өфө хакимиәте башлығы Ирек Ялаловҡа халыҡтың аҙ хәрәкәтсән төркөмдәре өсөн ҡаршылыҡһыҙ мөхитте тәьмин итеү буйынса хәлде яҡшыртырға, шулай уҡ Александр Никишкиндан проблемалы урындар тураһында хәбәр итеүен һораны.

Граждандарҙы ҡабул итеү барышында Уҡыусылар һәм абитуриенттар өсөн репетиторлыҡ ярҙамы үҙәген булдырыу, Өфөлә кордодром төҙөү, Дәүләкән ҡалаһында һыу тәьминәте системаһын яңыртыу, шулай уҡ Өфө районының Булгаков ауылында һыу менән тәьмин итеүгә бәйле мәсьәләләр тикшерелде.

1 из 10

#граждандарҙы ҡабул итеү #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.