Өфөлә үтәсәк ШОС саммитына документтар пакеты раҫланған — Сергей Лавров

ӨФӨ, 2015 йыл, 4 июнь. /«Башинформ» мәғлүмәт агентлығы, Ғәлиә Нәбиева/. Шанхай хеҙмәттәшлек ойошмаһы илдәренең Сит ил эштәре министрлығы башлыҡтары 8-10 июлдә Өфөләге саммитта ойошма лидерҙарына тәҡдим ителәсәк документтар пакетын раҫланы. Был хаҡта, Рәсәйҙең Сит ил эштәре министрлығы башлығы Сергей Лавровтың белдереүенә һылтанма яһап, «Новости» Рәсәй мәғлүмәт агентлығы хәбәр итә.

Һүҙ Шанхай хеҙмәттәшлек ойошмаһының 2025 йылға тиклемге үҫеш стратегияһы хаҡында бара. Тағы ла бер мөһим документ Икенсе донъя һуғышында Еңеүҙең 70 йыллығына арналған. Сергей Лавров һүҙҙәренсә, ШОС лидерҙары уның проектын да ҡараясаҡ.

«Шанхай хеҙмәттәшлек ойошмаһының 2016-2018 йылдарға иҫәпләнгән терроризмға, сепаратизмға һәм экстремизмға ҡаршы көрәш буйынса программаһы ҙур әһәмиәткә эйә буласаҡ. Дәүләт башлыҡтары иғтибарына наркомания менән көрәшеү проекты ла тәҡдим ителәсәк», — тип билдәләне Рәсәйҙең Сит ил эштәре министрлығы башлығы.

Министрҙар Шанхай хеҙмәттәшлек ойошмаһының 2025 йылға тиклемге үҫеш стратегияһына, дәүләттәрҙең 2016-2018 йылдарға иҫәпләнгән терроризмға, сепаратизмға һәм экстремизмға ҡаршы көрәш буйынса хеҙмәттәшлек программаһына, ШОС-тың сик буйы мәсьәләләре буйынса хеҙмәттәшлек һәм үҙ-ара килешеп эш итеүе тураһында килешеүенә ҡул ҡуйҙы.

#шос һәм брикс саммиттары #шанхай хеҙмәттәшлек ойошмаһының 2025 йылға тиклемге үҫеш стратегияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.