Рөстәм Хәмитов Данияның Рәсәйҙәге илсеһе Томас Винклер менән осрашты

Олег Яровиков

IMPORT Сервисный

ӨФӨ, 2015 йыл, 2 июнь. /«Башинформ» мәғлүмәт агентлығы, Илья Спиридонов/. 2 июндә республика Хөкүмәте йортонда Башҡортостан Башлығы Рөстәм Хәмитов Дания Короллегенең Рәсәйҙәге илсеһе Томас Винклер етәкселегендәге рәсми һәм эшлекле даирәләр делегацияһы менән осрашты. Яҡтар сәнәғәт һәм сауҙа-иҡтисади хеҙмәттәшлек, ауыл хужалығы өлкәһендә үҙ-ара килешеп эш итеү мөмкинлектәрен тикшерҙе.

– Һуңғы йылдарҙа инвестиция мөхитен яҡшырттыҡ. Дүрт йыл элек инвестиция йәлеп итеү буйынса Рәсәйҙең егерме төбәге араһында һуңғы урынды биләһәк, бөгөн тәүге унау исемлегенә инәбеҙ, – тине Рөстәм Хәмитов.

Рөстәм Хәмитов һүҙҙәренсә, республика үҙ биләмәһендә производстволар булдырыу менән ҡыҙыҡһына һәм инвесторҙар өсөн уңайлы шарттар тыуҙырырға әҙер.

– Бөгөн ауыл хужалығын яңыртыу буйынса ҙур эш башлайбыҙ. Эшҡыуарҙарыбыҙ Данияла сусҡалар, ауыл хужалығы предприятиелары өсөн ҡорамалдар һатып алды. Был эш артабан да дауам итер, тип ышанам, – тип билдәләне Башҡортостан Башлығы. – Республиканың химия кластерын булдырыу, фармацевтика, энергетика, тирә-яҡ мөхитте һаҡлау мәсьәләләре һәм башҡалар үҫешәсәк. Бөгөн бында ошо тармаҡтарҙа эшләүселәр бар. Инвестиция һалыу йәһәтенән Башҡортостан иң яҡшыһы.

Былтыр Башҡортостан менән Дания Короллеге араһындағы тышҡы сауҙа әйләнеше 84,5 миллион доллар тәшкил иткән. Шуларҙың 87 проценты (73,5 миллион доллар) – экспортҡа, 13 проценты (11 милллион доллар) импортҡа тура килә.

Башҡортостан Данияға мазут, төпрә (мал аҙығы), арыш һәм фанера сығарһа, уларҙан химия сәнәғәте продукцияһы, төрлө ҡорамалдар, ҡара металл изделиелары, малдар һатып ала.

Әле төбәктә Дания капиталы ҡатнашлығында ете предприятие теркәлгән. Улар, нигеҙҙә, финанс аралашлыҡ, ағас әҙерләү һәм эшкәртеү, төҙөлөш предприятиелары.

#халыҡ-ара хеҙмәттәшлек #дания #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.