Рөстәм Хәмитов Башҡортостан Хөкүмәте ултырышын үткәрҙе

Андрей Старостин

IMPORT Сервисный

ӨФӨ, 2015 йыл, 14 май. /«Башинформ» мәғлүмәт агентлығы, Илья Спиридонов/. 13 майҙа Өфөлә Башҡортостан Башлығы Рөстәм Хәмитов республика Хөкүмәте ултырышын үткәрҙе. Унда урмандарҙы үҙләштереү өлкәһендә өҫтөнлөклө инвестиция проекттарын ғәмәлгә ашырыу барышы, дәүләт унитар предприятиелары һәм хужалыҡ йәмғиәттәре әҙерләгән бизнес-пландарҙы раҫлау йомғаҡтары, шулай уҡ суд эштәрен ҡарағанда Башҡортостан мәнфәғәттәрен яҡлауҙы тәьмин итеү буйынса эш һөҙөмтәләре тикшерелде.

Һуңғы бер нисә йылда урман тармағындағы хәл тотороҡланды, тип билдәләне төбәк етәксеһе. Инвестиция проекттарына һалынған аҡсаның дөйөм күләме өс миллиард һумдан ашҡан. Белорет районында яңы ағас эшкәртеү предприятиелары асылды, Өфө фанера комбинаты яңыртылды, 600-ҙән ашыу эш урыны барлыҡҡа килде.

Башҡортостандың сәнәғәт һәм инновациялы сәйәсәт министры Алексей Карпухин үҙ сығышында урмандарҙы үҙләштереү өлкәһендә өҫтөнлөклө инвестиция проекттарын тормошҡа ашырыу барышын ыңғай баһаланы. Хәҙерге ваҡытта республикала 30-ҙан артыҡ шундай проект ғәмәлгә ашырыла. Шуларҙың өсәүһе ошо йүнәлеш буйынса өҫтөнлөклө инвестиция проекттарының федераль исемлегенә индерелгән.

Башҡортостан Башлығы министрҙың сығышын тәнҡит күҙлегенән баһаланы.

— Инвесторҙарҙың вәғәҙәләренә ҡарамаҫтан, һөҙөмтәләр юҡ тиерлек. Беҙ «Селена» урман сәнәғәте компанияһындағы ҡатмарлыҡтар хаҡында беләбеҙ, — тип билдәләне Рөстәм Хәмитов. — «Башлеспром» сығарған фанера тулыһынса экспортҡа ебәрелә. Ағас республикабыҙҙан ситкә китә. Беҙҙә эш урындары буйынса отчеттар, ағасы ҡырҡылған диләнкәләр генә тороп ҡала. Яңы предприятиелар барлыҡҡа килгәс, хәл бер аҙ яҡшы яҡҡа үҙгәрер, моғайын.

Алексей Карпухин республикала булдырыла башлаған урман эшкәртеү кластеры хаҡында хәбәр итте. Мәҫәлән, урманды тергеҙеү мәсьәләләрен ҡуртымға алыусыларға түгел, ә урман хужалыҡтарына, емеш-еләк питомниктарына йөкмәтергә тәҡдим ителә.

— «Ҙур химия» форумы сиктәрендә 21 майҙа Өфөлә Санкт-Петербург тауар-сеймал биржаһы менән республикала уның филиалын асыу тураһында килешеүгә ҡул ҡуйыу планлаштырылған, — тине министр.

Рөстәм Хәмитов профилле министрлыҡтарға урман участкаларын ҡуртымға алыусылар менән килешеүҙәрҙе яңыса баһаларға, шулай уҡ Урман биржаһын һәм урман эшкәртеү кластерын булдырыу буйынса тәҡдимдәрҙе республика Хөкүмәте Ҡарары проектына индерергә ҡушты.

Ултырышта дәүләт унитар предприятиелары һәм хужалыҡ йәмғиәттәре әҙерләгән бизнес-пландарҙы раҫлау йомғаҡтары тикшерелде. Башҡортостан Башлығы дәүләт унитар предприятиелары эшмәкәрлеген әүҙемләштерергә кәрәклеген һыҙыҡ өҫтөнә алды.

#урман хужалығы #дуп #хөкүмәт #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.