Еңеү көнөндә Башҡортостан юлдаш телевидениеһында «Алмағас төҫө. Хәсән Әхтәмовтың хыялы» фильмының премьераһы була

IMPORT Сервисный

ӨФӨ, 2015 йыл, 8 май. /«Башинформ» мәғлүмәт агентлығы, Ғәлиә Нәбиева/. Бөйөк Еңеүҙең 70 йыллығы алдынан «Башҡортостан» ДТРК-һы «Тамыр» телеканалының ижади төркөмө Стәрлетамаҡ районының Аллағыуат ауылында тыуып үҫкән Советтар Союзы Геройы Хәсән Әхтәмовтың тормошона арналған «Алмағас төҫө» документаль проектын әҙерләне. Ул алма баҡсаһы үҫтерергә хыялланған, әммә теләге тормошҡа ашмай. Хәсән Әхтәмов фронтҡа китә һәм 19 йәшендә Румынияның Яссы ҡалаһы эргәһендә батырҙарса һәләк була. 1944 йылдың 13 сентябрендә, үҙе үлгәндән һуң, Советтар Союзы Геройы исеме бирелә. 9 майҙа Башҡортостан юлдаш телевидениеһында фильмдың премьераһы була.

Телевидение хеҙмәткәрҙәре Дәүләт думаһы депутаты Сәлиә Мырҙабаеваның ярҙамы менән башҡорт һалдаты ерләнгән урынға командировкаға барҙы. Журналист Гөлфиә Раянова, режиссер Альмира Ахунова һәм журналистика ветераны, Бөйөк Ватан һуғышы хаҡында китап авторы Фәрит Вәхитов Хәсән Әхтәмов һәләк булған ерҙә булды. Биш көн эсендә улар Геройға һәм совет һалдаттарына бәйле урындарҙы төшөрҙө. Иң мөһиме, яҡташыбыҙҙың хыялын бойомға ашырҙы — Яссы ҡалаһында Әхтәмов исемендәге алма аллеяһын булдырҙы.

Геройҙың тыуған төйәгендә — Салауат ҡалаһында фильмдың исем туйынан һуң «Юрматы ере» мемориаль комплексы биләмәһендә лә алмағастар ултыртылды. Шуны билдәләп үтергә кәрәк: бына 40 йылдан ашыу уның тыуған ауылы ер йөҙөндә юҡ.

Сәлиә Мырҙабаева билдәләүенсә, Еңеү көнөн байрам итеү алдынан «Берҙәм Рәсәй» партияһы яугирҙәрҙең һәм тыл эшсәндәренең иҫтәлеген мәңгеләштереү буйынса ҙур эш башҡарған. Шуға бәйле ул Гөлназ Ҡолһарина етәкләгән «Тамыр» студияһының ижади коллективын әүҙем тормош позицияһы һәм Башҡортостанда «Берҙәм Рәсәй»ҙең социаль проекттарын ғәмәлгә ашырыуҙа ҡатнашыуҙары өсөн почет грамотаһы менән бүләкләне.

#дәүләт думаһы депутаты #еңеүҙең 70 йыллығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.