Айрат Насиров Башҡортостандың иҡтисади үҫеш министры урынбаҫары итеп тәғәйенләнде

ӨФӨ, 2015 йыл, 30 апрель. /«Башинформ» мәғлүмәт агентлығы, Эльвира Латипова/. Республика Башлығы указы менән Башҡортостандың иҡтисади үҫеш министры урынбаҫары итеп Айрат Насиров тәғәйенләнде. Был хаҡта министрлыҡтың сайтында хәбәр ителә.

Айрат Марат улы Насиров 1970 йылда Башҡортостандың Иглин районы Иглин ҡасабаһында тыуған. Башҡорт дәүләт университетын, Мәскәү дәүләт иҡтисад, статистика һәм информатика университетын тамамлаған.

Хеҙмәт юлын 1992 йылда Башҡорт дәүләт университетының кесе ғилми хеҙмәткәре вазифаһында башлай. Артабан республиканың Йәштәр эштәре буйынса дәүләт комитетында һәм Министрҙар кабинеты ҡарамағындағы Йәштәр эштәре идаралығында эшләй.

1999-2002 йылдарҙа «Урал-Себер Банкы» асыҡ акционерҙар йәмғиәтенең өлкән белгесенән алып президент ярҙамсыһына тиклем хеҙмәт юлы үтә. 2002-2007 йылдарҙа «Росгосстрах-Аккорд» яуаплылығы сикләнгән йәмғиәтендә бүлек етәксеһе вазифаһын биләй.

2007-2012 йылдарҙа «Уралсиб» банкының төбәк менән идара итеүҙе ойоштороу дирекцияһы директоры, идаралыҡ етәксеһе урынбаҫары һәм башҡа вазифаларҙа эшләй. 2012-2013 йылдарҙа Башҡортостан Иҡтисади үҫеш министрлығының дәүләт хеҙмәттәрен үҫтереү бүлеге етәксеһе була.

2013 йылдан алып 2014 йылға тиклем Территориаль үҫеш агентлығының программалы-маҡсатлы планлаштырыу бүлеге етәксеһе вазифаһында эшләй.

2014 йылдан республика Иҡтисади үҫеш министрлығының Стратегик планлаштырыу идаралығы етәксеһе вазифаһын биләне.

Теги:тәғәйенләүҙәр кадрҙар иҡтисади үҫеш министрлығы

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».