Сәлиә Мырҙабаева: «Медицина учреждениеларына һалымды кәметеү медицина ярҙамы сифатын яҡшыртасаҡ»

IMPORT Сервисный

ӨФӨ, 2015 йыл, 6 март. /«Башинформ» мәғлүмәт агентлығы, Ғәлиә Нәбиева/. Дәүләт Думаһының һаулыҡ һаҡлау комитеты ағзаһы Сәлиә Мырҙабаева ойошмаларҙы дәүләт милкенә күсергәндән һуң мөлкәткә һалым түләүгә бәйле дауалау учреждениеларына һалымдың артыуына борсола.

Депутат һүҙҙәренсә, элегерәк улар «Рәсәй Федерацияһында урындағы үҙидаралыҡты ойоштороуҙың дөйөм принциптары тураһында» 131-се Федераль закон менән билдәләнгән вәкәләттәр нигеҙендә мөлкәткә һалым льготаларын алыу мөмкинлегенә эйә ине.

2013 йылдың 1 ғинуарынан ошо хоҡуҡи норма көсөн юғалтты. Хәҙерге көндә медицина ойошмаларының милеккә һалым льготалары юҡ. Депутат фекеренсә, бындай хәл медицина ярҙамының сифатына һәм күләменә йоғонто яһай һәм тикшереүҙе талап итә.

Дәүләт Думаһындағы «хөкүмәт сәғәте» барышында Рәсәйҙең һаулыҡ һаҡлау министры Вероника Скворцова Рәсәй Федерацияһының Һалым кодексына ярашлы медицина ойошмаларына һалым һалыу төбәк вәкәләттәре ҡарамағында хәл ителә тип аңлатма бирҙе.

Республиканың бөтә муниципаль һаулыҡ һаҡлау учреждениеларының да дәүләт милкенә күсерелеүен иҫәпкә алып, депутат медицина ойошмаларына һалымды төбәк кимәлендә билдәләү хаҡындағы мәсьәләне хәл итеү өсөн Башҡортостан Хөкүмәтенә һәм Дәүләт Йыйылышына мөрәжәғәт итте.

— Медицина учреждениеларына һалымды кәметеү республикала йәшәүселәргә сифатлы медицина ярҙамы күрһәтергә мөмкинлек бирәсәк, — тип билдәләне Сәлиә Мырҙабаева.

#һаулыҡ һаҡлау #дәүләт думаһы депутаты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.