Республикала ете меңдән ашыу депутат мандаты алмаштырыласаҡ

Олег Яровиков

IMPORT Сервисный

ӨФӨ, 2015 йыл, 29 ғинуар. /«Башинформ» мәғлүмәт агентлығы, Екатерина Соколова/. 2015 йылдың 13 сентябрендәге берҙәм тауыш биреү көнөндә Башҡортостанда ете меңдән ашыу ауыл һәм ҡала биләмәләре Советы депутаттары мандаты алмаштырыласаҡ. Был турала БР Үҙәк һайлау комиссияһы башлығы Хәйҙәр Вәлиев теркәлгән партияларҙың төбәк бүлексәләре вәкилдәре менән осрашыуҙа белдерҙе.

— Алдағы һайлауҙарға әҙерлек башланған да инде, — тип һыҙыҡ өҫтөнә алды Хәйҙәр Вәлиев. — Әлеге мәлдә ауыл биләмәләре Уставтарының айырым положениелары аныҡлана, депутаттар һайлау буйынса округтар билдәләнә. Һайлауҙар 13 июндән 23-нә тиклем тәғәйенләнә.

Йыл башында участка һайлау комиссиялары составы резервын тулыландырыу буйынса кампания уҙа. Республикала 2018 йылға тиклем 3420 участка комиссияһы булдырылған. 2 февралдән 16 мартҡа тиклем территориаль комиссиялар резервты тулыландырыу буйынса тәҡдимдәр ҡабул итәсәк.

БР Үҙәк һайлау комиссияһы рәйесе һүҙҙәренсә, бөгөн участка һайлау комиссияһы резервында 22876 кеше иҫәпләнә. Шуларҙың 12715-е сәйәси партияларҙың төбәк бүлексәләре тарафынан тәҡдим ителгән.

Бынан тыш, көҙ көнө яңы биш йыллыҡҡа яңы территориаль һайлау комиссиялары составы булдырыласаҡ.

Кәңәшмәлә сәйәси партияларҙың иҫәп-хисап биреү мәсьәләләре лә ҡаралды. БР Үҙәк һайлау комиссияһы рәйесе урынбаҫары Наилә Алтынова бөтә сәйәси партиялар ҙа иҫәп-хисап биреүгә етди ҡарамай һәм уны тапшырыу ваҡытын өҙә тип хәбәр итте. Шулай итеп, партияларҙың 18 төбәк бүлексәһе һаманға тиклем БР Үҙәк һайлау комиссияһына ғинуар өсөн документтар тапшырмаған.

Алдағы һайлауҙарға килгәндә, БР буйынса Баш федераль инспектор Андрей Чечеватов төп көс һайлау кампанияһын әҙерләүгә сарыф ителәсәк тип билдәләне.

#бр үҙәк һайлау комиссияһы #һайлауҙар #территориаль һайлау комиссияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.