Рөстәм Хәмитов Башҡортостан буйынса Эске эштәр министрлығы коллегияһында ҡатнашты

IMPORT Сервисный

ӨФӨ, 2015 йыл, 27 ғинуар. /«Башинформ» мәғлүмәт агентлығы, Ольга Мортазина/. 26 ғинуарҙа Башҡортостан Башлығы республика буйынса Эске эштәр министрлығы коллегияһы ултырышында ҡатнашты.

Хоҡуҡ һаҡлау эшмәкәрлеген камиллаштырыу бурыстары хаҡында һөйләгәндә Рөстәм Хәмитов тәү сиратта иҡтисади енәйәтселекте бөтөрөү һәм иҡтисади, социаль проекттарҙы тормошҡа ашырыу өсөн бүленгән бюджет ресурстарын һаҡлау буйынса эште атаны.

Дөйөм алғанда, былтыр дәүләт структураларындағы коррупция енәйәтселеген асыу 20 процентҡа артҡан. Ришүәт биреүҙең теркәлгән факттары һаны 11 процентҡа күтәрелгән. «Һандарҙың артыуы хоҡуҡ һаҡлау системаһының ошо йүнәлештә яҡшы эшләүе тураһында һөйләй», — тип билдәләне Башҡортостан Башлығы.

Башҡортостан Башлығы йәмәғәт хәүефһеҙлеген тәьмин итеүҙең мөһимлеген әйтеп үтте, «Хәүефһеҙ төбәк» комплексының мөмкинлектәрен киңерәк файҙаланырға, йәмәғәт урындарында видеокүҙәтеү системаһын үҫтерергә тәҡдим итте. «2015 йыл — Бөйөк Еңеүгә 70 йыл, ШОС һәм БРИКС, «Рәсәй — Ҡаҙағстан йылы». Республика меңдәрсә ҡунаҡты ҡабул итәсәк, Өфөләге яңылыҡтар донъя киң мәғлүмәт сараларының иғтибарында буласаҡ. Беҙҙең бурысыбыҙ — хоҡуҡ тәртибен һәм хәүефһеҙлекте тәьмин итеү, экстремизм, терроризм күренештәренә, тәртипһеҙлеккә юл ҡуймау. Бының өсөн һеҙҙең тәжрибәгеҙ етерлек», — тине ул.

2014 йылда республика эске эштәр органдарының матди-техник базаһын нығытыуға 330 миллион һум аҡса бүлде: был яғыулыҡ-майлау материалдары һәм яңы автомобилдәр. Ҡала һәм райондарҙағы полиция бүлектәре биналарын реконструкциялауға һәм төҙөүгә 309 миллион һум бүленде. Ошо проекттарҙы ғәмәлгә ашырыу дауам итәсәк, тине Рөстәм Хәмитов.

1 из 10

#башҡортостан башлығы #бр буйынса эске эштәр министрлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.