Башҡортостан Дәүләт Йыйылышы яҙғы сессияһының тәүге ултырышы 27 ғинуарҙа үтә

IMPORT Сервисный

ӨФӨ, 2015 йыл, 20 ғинуар. /«Башинформ» мәғлүмәт агентлығы, Арина Рәхимҡолова/. Башҡортостан Дәүләт Йыйылышы — Ҡоролтайҙың яҙғы сессиялағы тәүге пленар ултырышы 27 ғинуарҙа үтә. Көн тәртибендә 35-тән ашыу һорау иҫәпләнә. Дәүләт Йыйылышы Рәйесе Константин Толкачев әйтеүенсә, яҙғы сессияла бөтәһе 50-гә яҡын закон проектын ҡарау күҙаллана.

— Бынан тыш, закон проекттарының көтөлмәгән варианттары булыуы ихтимал, сөнки иҡтисадтағы һәм сәйәсәттәге хәл тиҙ иғтибар итеүҙе талап итә, — тип өҫтәне парламент спикеры. — Хәлдәр йыш үҙгәреп тора, закондар дөрөҫ ҡарар ҡабул итеү өсөн ҡаршылыҡ булырға тейеш түгел. Бюджетта ла үҙгәрештәр булыр, моғайын.

Киләһе ултырышта икенсе уҡыуҙа депутаттар «Географик объекттарға атама биреү йәки үҙгәртеү тураһында тәҡдимдәр хаҡында халыҡ фекерен иҫәпкә алыу, мәғлүмәт биреү һәм асыҡлау тәртибе тураһында» Закон проектын ҡараясаҡ. Новелла географик объекттарға атама биреү тураһында тәҡдимдәрҙең йөкмәткеһенә талаптар, шулай уҡ документтар исемлеген билдәләргә тәҡдим итә. Федераль ҡануниәткә ярашлы, Рәсәй субъекттарының дәүләт власы органдары географик объекттарға атамалар биреү тураһында тәҡдимдәрҙе ҡарағанда халыҡ фекерен иҫәпкә алырға, сығымдар хаҡында мәғлүмәт бирергә тейеш.

Беренсе уҡыуҙа «Башҡортостан Республикаһында торлаҡ мөнәсәбәттәрен көйләү тураһында» Башҡортостан Республикаһы Законына үҙгәрештәр индереү тураһында» инициатива ҡараласаҡ. Төҙәтмәләр ағымдағы йылдың 1 мартынан көсөнә инәсәк федераль ер ҡануниәтендәге үҙгәрештәргә бәйле. Улар социаль торлаҡ төҙөлөшөн үҫтереүгә йүнәлтелгән. Рәсәй Федерацияһының Ер кодексына төҙәтмәләр индереүҙе Башҡортостан парламентарийҙары башланы. Үҙгәрештәргә ярашлы, муниципаль һәм дәүләт милкендә булған ер участкалары торлаҡ төҙөлөшө маҡсатында булдырылған коммерция булмаған ойошмаларға бушлай файҙаланыуға бирелеүе мөмкин.

«Мәҙәниәт тураһында», «Мәғариф тураһында» һәм «Башҡортостан Республикаһында граждандарҙың һаулығын һаҡлау» республика закондарына төҙәтмәләр индереүҙе күҙ уңында тотҡан республика закондарының өс проекты ошо өлкәләрҙә хеҙмәт күрһәтеү сифатына бойондороҡһоҙ баһа үткәреүҙе ойоштороуға бәйле.

Бынан тыш, көн тәртибенә «Башҡортостан Республикаһында ауыл хужалығы тәғәйенләнешендәге ерҙәрҙең уңдырышлылығы тураһында» парламент тыңлауҙарын үткәреү мәсьәләһе индерелгән.

#бр дәүләт йыйылышы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.