Сенатор Рафаил Зиннуров Сирияның, Иорданияның һәм Ливандың рәсми кешеләре менән бәйләнештәр булдыра

ӨФӨ, 2014 йыл, 28 ноябрь. /«Башинформ» мәғлүмәт агентлығы, Арина Рәхимҡолова/. Башҡортостандан сенатор Рафаил Зинуров Рәсәй вәкилдәренең Сирияға, Ливанға һәм Иорданияға эш сәфәрендә ҡатнашты. Делегацияны Федерация Советы Рәйесе урынбаҫары Ильяс Умаханов етәкләне. Сирия Президенты Башар Асад менән ентекле һөйләшеү үҙәк ваҡиғаға әйләнде.

Әңгәмә барышында Сирия башлығы Рәсәй менән үҙ-ара эш итеүҙе үҫтерергә әҙер булыуҙарын билдәләне, шул иҫәптән парламент форматында, экстремизм идеологияһына ҡаршы тороу һәм терроризм менән көрөшеү мәнфәғәтендә.

Бынан тыш, Ливанда, премьер-министр һәм сит ил министры менән осрашыуҙарҙан тыш, эре сәйәси һәм конфессия төркөмдәре етәкселектәре менән бәйләнештәр булдырылды.

Сирияла һәм Ливанда делегация мосолман, христиан ойошмаларының етәкселәре һәм абруйлы вәкилдәре менән осрашыуҙар уҙғарҙы. Яҡтар был илдәрҙәге кеүек, Рәсәйҙә лә, атап әйткәндә, Ҡавҡазда үҙ эшмәкәрлеген әүҙемләштерергә маташҡан экстремистарҙың идеяларына бергәләп ҡаршы тороу мәнфәғәтендә аныҡ үҙ-ара эш итеү пландарын тикшерҙе.

Бөтә өс илдә лә парламенттар етәкселәре менән һөйләшеүҙәр уҙҙы, улар үҙ сиратында артабан бәйләнештәрҙе әүҙемләштерергә әҙер булыуҙарын белдерҙе.

Теги: тышҡы бәйләнештәр

Читайте нас

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».