Башҡортостан Президенты Стәрлебаш районының бер нисә социаль объекты менән танышты

БР Президентының матбуғат хеҙмәте

IMPORT Сервисный

ӨФӨ, 2014 йыл, 20 ноябрь. /«Башинформ» мәғлүмәт агентлығы, Арина Рәхимҡолова/. Республика Башлығы Рөстәм Хәмитов, Стәрлебаш районында эш сәфәрендә булып, 2006 йылда файҙаланыуға тапшырылған «Стәрле» спорт-сәләмәтләндереү комплексын ҡараны. Башҡортостан Президенты 25 метрлыҡ йөҙөү бассейнын, күнекмә һәм фитнес-залдарын, шулай уҡ шахмат секцияһын ҡараны, йәш спортсылар менән аралашты.

Спорт комплексына 450-нән ашыу бала йөрөй, улар волейбол, баскетбол, йөҙөү, милли «көрәш», шахматтар, хоккей, мини-футбол, саңғы ярыштары кеүек спорт төрҙәре буйынса секцияларҙа шөғөлләнә. Балалар менән 11 тренер-уҡытыусы эшләй.

Республика Президентының һорауҙарына яуап биреп, «Стәрле» спорт-сәләмәтләндереү комплексы директоры Илнур Исламоратов түләүле хеҙмәттәрҙең комплексты тотоуға тотонолған сығымдарҙың яртыһын да ҡапламауын һөйләне.

Башҡортостан Башлығы Мәҡсүт ауылында 3-сө балалар баҡсаһында булды. Ул ташландыҡ бинанан үҙгәртелеп ҡоролған һәм 2014 йылдың башында файҙаланыуға тапшырылған. 85 урынлыҡ объекттың смета хаҡы 5,1 миллион һум тәшкил иткән.

Балалар баҡсаһы мөдире Зәкиә Сәфәрғәлиева республика Президентына балалар учреждениеһының эше тураһында һөйләне. Балалар баҡсаһында тәрбиәләнеүселәр башҡорт һәм инглиз телдәрен өйрәнә, үҙ күнекмә залында шөғөлләнә, ижади һәләттәрен үҫтерә.

Рөстәм Хәмитов төҙөлөп бөтмәгән йәки ташландыҡ объекттарҙы үҙгәртеп-ҡороу юлы менән мәктәпкәсә учреждениелар төҙөү тәжрибәһен хуплауын билдәләне. Ул бюджет сараларын тотанаҡлы файҙаланырға ғына түгел, ә балалар баҡсаһына сират проблемаһын оператив хәл итергә лә мөмкинлек бирә.

#бр президентының эш сәфәрҙәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.