Рөстәм Хәмитов хеҙмәт миграцияһын үҫтерергә саҡырҙы

IMPORT Сервисный

ӨФӨ, 2014 йыл, 13 ноябрь. /«Башинформ» мәғлүмәт агентлығы, Илья Спиридонов/. «Кеше капиталы менән идара итеү: үҙгәреш стратегияһы» III Төбәк-ара кадрҙар форумы сиктәрендә Башҡортостан Президенты Рөстәм Хәмитов республика белем биреү учреждениеларының, кадрҙар агентлыҡтарының һәм алдынғы предприятиеларының методик эштәре күрһәтелгән, «Башҡортостан — БАШлы хеҙмәткәрҙәр өсөн HR-stan» тематик күргәҙмә менән танышты.

Сауҙа компаниялары стендтарын ҡарап, Рөстәм Хәмитов һатыусы һәм һатып алыусы араһында аралашыу мәҙәниәтен күтәреү мөһимлегенә айырым иғтибар бирҙе. Уның әйтеүе буйынса, бөгөн ул илдә лә, республикала ла етешмәй.

Өфө механика-технология колледжы вәкилдәре Башҡортостан Президентына сит ҡаланан килгән белгестәр һәм уҡытыусылар өсөн уҡыу йортонда ла, дөйөм алғанда республикала ла лайыҡлы дөйөм ятаҡтарҙың булмауын һөйләне, ул хеҙмәт миграцияһын үҫтереү өсөн етди ҡаршылыҡ булып тора. Әлеге ваҡытта был маҡсаттар өсөн Өфө приборҙар эшләү производство берекмәһенең ҡулланылмаған корпустарын файҙаланыу проекты тикшерелә, әммә уны реконструкциялауға предприятиеның да, колледждың да саралары юҡ. Рөстәм Хәмитов был мәсьәләне БР Хөкүмәтендә күтәреүен билдәләне.

- Был темаға яуаплы булыусы төҙөүселәр ҙә, министрлыҡтар ҙа әлегә бер вариант та тәҡдим итмәне. Бының күпме тороуы, нимә талап итеүе, перспективаһы аңлайышһыҙ, — тип айырып әйтте республика Президенты.

Рөстәм Хәмитов хеҙмәт миграцияһы темаһына айырым иғтибар биреп, БР Дәүләт Йыйылышы – Ҡоролтайға йыллыҡ Мөрәжәғәтнамәһе йомғаҡтары буйынса йөкләмәләр әҙерләүҙе тиҙләтергә саҡырҙы.

1 из 6

#бр президенты #кадрҙар форумы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.