Башҡортостан депутаттары һәм студенттары Рәсәйҙең милли идеяларын формалаштырыу юлдарын билдәләне

IMPORT Сервисный

ӨФӨ, 2014 йыл, 27 октябрь. /«Башинформ» мәғлүмәт агентлығы, Арина Рәхимҡолова/. Башҡортостан Дәүләт Йыйылышы депутаттары республиканың алдынғы юғары уҡыу йорттары студенттары менән бергә йәштәр мөхитендә милли идеяны формалаштырыу проблемаларына фекер алышты. Мәсьәлә Башҡорт дәүләт аграр университетында «Милли идея – илдең эске сәйәсәт өлөшө» тигән түңәрәк өҫтәлдә күтәрелде. Инициаторҙары – Рәсәй Юристар ассоциацияһы Башҡортостан бүлексәһенең Йәш юристар советы, шулай уҡ Дәүләт Йыйылышы ҡарамағында Йәштәр йәмәғәт палатаһы.

Фекер алышыуҙа Башҡорт дәүләт аграр университеты ректоры, депутат Илдар Ғәбитов, БР Конституция суды судьяһы Фларит Моратшин, Өфө епархияһының йәштәр бүлеге етәксеһе, протоиерей Георгий Чибирев, Йәштәр йәмәғәт палатаһы ағзалары, Өфө вуздарының студенттар активы ҡатнашты.

Сәләмләү телмәрендә Дәүләт Йыйылышының Аграр мәсьәләләр, экология һәм тәбиғәтте файҙаланыу буйынса комитеты рәйесе урынбаҫары Руфина Шағапова йәштәрҙең бөгөн уҡ киләсәк тураһында уйланыуҙарының, Рәсәйҙә милли идея кеүек мөһим проблемаларҙы тикшереүгә сығарыуҙарының әһәмиәтен айырып әйтте. Был мәсьәлә йәштәрҙе илһөйәрлек рухында тәрбиәләү менән тығыҙ бәйле һәм бөтә яҡтан өйрәнеүҙе талап итә, тип билдәне ҡатнашыусылар. Был темаға Рәсәй Президенты Владимир Путиндың да бер нисә ҡабат үҙ фекерен әйтеүе проблеманың мөһимлеген билдәләй.

Башҡорт дәүләт аграр университеты студенттары Никита Хрулев, Денис Шадрин, Кирилл Засименков, Диана Иҫәнғолова, шулай уҡ Башҡорт дәүләт университеты студенты Александр Лукъянцев дөйөм темаға берләштерелгән – заманса Рәсәйҙең милли идеялары темаһына докладтар менән сығыш яһанылар.

Резолюция проекты түңәрәк өҫтәл эшенең һөҙөмтәһе булды, унда ҡатнашыусылар артабанғы эш йүнәлештәрен билдәләне. Хоҡуҡи дәүләткә һәм тотороҡло эшләүсе гражданлыҡ йәмғиәтен булдырыуға ынтылышлы илһөйәрлек хәрәкәте бында өҫтөнлөклө булып тора. Мәҙәниәттең һәм кешенең рухи нигеҙҙәренең мөһим роле, шулай уҡ заманса Рәсәйҙең милли идеяларын формалаштырыуҙа халыҡтың һәм дәүләттең үҙ-ара килешеп эш итеү кәрәклеге билдәләнде.

#түңәрәк өҫтәл #депутаттар #студенттар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.