Вторник, 19 Мая 2026

Уфа

+17 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

04:59 (UTC+5), 02 Сентября 2014

Рөстәм Хәмитов: «Башҡортостандың Урмансылар паркы тағы ла матурланасаҡ»

IMPORT Сервисный

ӨФӨ, 2014 йыл, 2 сентябрь. /«Башинформ» мәғлүмәт агентлығы/. Республика башлығы Рөстәм Хәмитов үткән көндә Башҡортостандың Урмансылар паркында, быйыл яҙын үҙенең инициативаһы буйынса башланған реконструкцияның тәүге этабынан һуң, булды.

Объектты файҙаланыуға тапшырыу 1 сентябргә планлаштырылғайны. БР Урман хужалығы министрлығының матбуғат хеҙмәтенән хәбәр итеүҙәренсә, һауа торошоноң ҡатмарлы шарттарына ҡарамаҫтан, реконструкцияның тәүге этабына ингән бөтә сараларҙы ла тиерлек ваҡытында тамамлап булды.

Рөстәм Хәмитов, ремонт эштәренән һуң ныҡ ҡына үҙгәргән, урман паркы биләмәһен ҡараны. Атап әйткәндә, бында урман массивы таҙартылған һәм яҡтыртылған, юл-һуҡмаҡ селтәренә асфальт түшәлгән, яҡтыртыу таяуҙары ҡуйылған, пикник зонаһы, шулай уҡ балалар һәм спорт майҙансыҡтары эшләнгән.

Парк биләмәһендә урынлашҡан, вольер хужалығы янынан уҙып барғанда Рөстәм Хәмитов хайуандар өсөн ситлектәрҙе төрлө кимәлдә эшләргә тәҡдим итте.

- Бәлки, ул модулле вольер булырға тейештер, — тип өҫтәне республика башлығы урман паркын ҡарап бөткәндән һуң.

Башҡортостандың урман хужалығы министры Динир Әхмәтйәновтың мәғлүмәттәре буйынса, урман паркы биләмәһен таҙа тотоу өсөн кәмендә эшкә биш кеше алырға кәрәк буласаҡ. Бынан тыш, ай дауамында бында ял итеүселәрҙең хәүефһеҙлеге өсөн видеокүҙәтеү системаһын ҡуйыу күҙаллана.

- Шулай уҡ ямғыр ваҡытында йәшенерлек ике-өс япма эшләргә уйлайбыҙ. Был тәҡдимде паркта балалары менән йөрөгән әсәләр индерҙе, — тип һөйләне Республика капиталь төҙөлөш идаралығы директоры Владимир Селищев.

Өфө урман хужалығы техникумы директоры Дамир Асҡаров, быйыл яҙ-йәй генә урман паркы биләмәһенән 4,5 мең кубометрҙан ашыу төрлө сүп-сар сығарып түгелде, тип билдәләне. Уның әйтеүе буйынса, киләсәктә паркты периметры буйлап тулыһынса кәртәләү, шишмәләрҙе матурлау һәм быуа хужалығын булдырыу күҙаллана. Бынан тыш, пландарҙа – Сәғит Агиш урамынан алып урман паркының пикник зонаһына тиклем юл һалыу.

1 из 18

#бр президенты #урман хужалығы #урмансылар паркы #өфө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.