Понедельник, 4 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:19 (UTC+5), 25 Августа 2014

Рөстәм Хәмитов Күмертау авиация етештереү предприятиеһында булды

Андрей Старостин

Ғәлиә Нәбиева

Рөстәм Хәмитов ошо көндәрҙә эш сәфәре барышында Күмертау ҡалаһында һәм Көйөргәҙе районында булды. Республика етәксеһе бер нисә предприятиены ҡараны, Рәсәйҙең Һауа флоты көнөнә арналған тантаналы йыйылышта ҡатнашты, Кинйә Арыҫланов исемендәге музейҙа булды, тип хәбәр иттеләр төбәк башлығының матбуғат хеҙмәтенән.

Күмертауҙа Рөстәм Хәмитов Күмертау авиация етештереү предприятиеһын ҡараны. Осоу-һынау станцияһында республика етәксеһе осоу техникаһының яңы өлгөләре менән танышты. «Камов» конструкторҙар бюроһында әҙерләнгән, күп маҡсатлы вертолеттар заводтың төп продукцияһы булып тора. Бер күсәргә ултыртылған үҙенсәлекле винттар схемаһы менән машиналар эшкә һәләтлелеген, тотороҡлоҡто һәм экстремаль шарттарҙа идара ителешен һаҡлап ҡала, бындай осраҡтарҙа винты ҡойроҡта урынлашҡан ябай вертолеттар эшләй алмай. Предприятие Ка-27 (эҙләү-ҡотҡарыу), Ка-28, Ка-29 (транспорт-хәрби), Ка-32 (урта класлы күп маҡсатлы), Ка-31 (радиолокацион) вертолеттарын сығара.

Рөстәм Хәмитов предприятиены үҫтереү перспективалары, яңы авиация техникаһы төрҙәрен үҙләштереү пландары менән ҡыҙыҡһынды. Күмертау авиация етештереү предприятиеһы етәксеһе Виктор Новиков хәбәр итеүенсә, әлеге ваҡытта әҙер вертолеттар сығарыуға өҫтәп предприятиела «Камов» ғаиләһе вертолеттары өсөн агрегаттар етештереүгә йүнәлтелгән инвестиция проекттары ғәмәлгә индерелә. Ка-62, Ка-52К вертолеттары өсөн йөрөтөүсе винттарҙың колонкаларын һәм Ка-62 вертолеты ҡалағын етештереү үҙләштерелә башланған. 2014 йылда, яҡшыртылған тактик-техник характеристикаларға эйә булған, Ка-226Т вертолетын сертификациялауҙы тамамлау планлаштырыла.

Һуңғы ике йылда халыҡ-ара һәм Рәсәй баҙарҙарында тотороҡһоҙ конъюктура менән бәйле предприятие килеме сығымдарҙы ҡапларға мөмкинлек бирмәгән продукцияны етештерә. Завод ветерандары менән әңгәмәлә Башҡортостан башлығы республиканың ҡала булдырыусы предприятиеға һәр яҡтан ярҙам күрһәтәсәге тураһында айырып әйтте.

- Заводты етерлек кимәлдә йөкмәтеү тураһында мәсьәлә менән ил етәкселәренә мөрәжәғәт иттем. Оборона министры менән Кумертау предприятиеһының продукцияһын артабан сығарыу кәрәклеге тикшерелде. Завод хәүеф зонаһында булмаҫҡа, тотороҡло эшләргә тейеш. Бының өсөн яңы заказдар эҙләргә, продукцияның төрлөлөгөн киңәйтергә, диверсификация менән шөғөлләнергә кәрәк. Был заводтың эшләйәсәгенә шигебеҙ юҡ, — тине Рөстәм Хәмитов.

«Дуҫлык» ҡала үҙәгендә Рөстәм Хәмитов Рәсәйҙең Һауа флоты көнөнә арналған тантаналы йыйылышта ҡатнашты. Республика етәксеһе авиатөҙөлөш тармағы хеҙмәткәрҙәрен һәм ветерандарын һөнәри байрамдары менән ҡотланы һәм Башҡортостандың дәүләт наградаларын тапшырҙы.

Көйөргәҙе районының Кинйә Абыҙ ауылында Рөстәм Хәмитов Кинйә Арыҫланов исемендәге музейҙы ҡараны һәм хеҙмәт ветерандары менән осрашты.

Эш сәфәре тураһында тулыраҡ мәғлүмәтте рәсми сайтта уҡырға мөмкин.

1 из 20

#бр президентының эш сәфәрҙәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.