Зөфәр Еникеев Башҡортостан Конституция суды рәйесе итеп тәғәйенләнде

Ғәлиә Нәбиева

Башҡортостан парламентарийҙары Башҡортостан Конституция суды рәйесе итеп Зөфәр Еникеевты тәғәйенләне. Ҡарар кесе йома көндө БР Дәүләт Йыйылышы – Ҡоролтайҙың пленар ултырышында ҡабул ителде. Зөфәр Еникеевтың кандидатураһын республика Конституцияһына ярашлы ҡарауға Башҡортостан Президенты Рөстәм Хәмитов индерҙе.

Белешмә. Зөфәр Еникеев – 43-сө Красный Холм бер мандатлы һайлау округы буйынса БР Дәүләт Йыйылышы депутаты.

1951 йылдың 4 мартында Баймаҡ районының Моҡас ауылында тыуған, башҡорт, юғары белемле – Свердловск юридик институтын тамамлаған. Юридик фәндәр докторы, профессор, Башҡортостан Республикаһы Фәндәр академияһы ағза-корреспонденты.

Хеҙмәт эшмәкәрлеген 1968 йылда Баймаҡ районы Ирәндек совхозы эшсеһе булып башлаған. 1973-1985 йылдарҙа прокуратура органдарында тәфтишсе булып эшләй, 1988-1990 йылдарҙа – Башҡорт дәүләт университетының юридик факультеты уҡытыусыһы. 1996-2000 йылдарҙа – Европа Урындағы һәм төбәк властары конгресында Рәсәй Федерацияһы вәкиле (Страсбург ҡалаһы, Франция). 2010-2013 йылдарҙа – Башҡортостан Республикаһы Дәүләт Йыйылышы Секретариаты етәксеһе.

1990 йылда Башҡортостан Республикаһы XII саҡырылыш Юғары Советының халыҡ депутаты, Башҡортостан Республикаһы Юғары Советының рәйесе, Халыҡ мәғарифы, фән, мәҙәниәт, милли һәм халыҡ-ара традициялар, тарихи мираҫты һаҡлау мәсьәләләре буйынса комиссияһы рәйесе, 1995 йылда Башҡортостан Республикаһы I саҡырылыш Дәүләт Йыйылышы – Ҡоролтайҙың Закондар сығарыу Палатаһы депутаты, Закондар сығарыу Палатаһының Урындағы власть, милләттәр, йәмәғәт һәм дини берләшмәләр мәсьәләләре буйынса комитеты рәйесе итеп һайлана. 1999 йылда Башҡортостан Республикаһы II саҡырылыш Дәүләт Йыйылышы – Ҡоролтайҙың Закондар сығарыу Палатаһы депутаты, 2003 йылда Башҡортостан Республикаһы III саҡырылыш Дәүләт Йыйылышы – Ҡоролтай депутаты, Урындағы үҙидара мәсьәләләре, милләттәр, йәмәғәт һәм дини берләшмәләр эштәре, мәғлүмәт сәйәсәте буйынса комитет рәйесе, 2008 йылдан Башҡортостан Республикаһы IV саҡырылыш Дәүләт Йыйылышы – Ҡоролтайҙың Урындағы үҙидара һәм йәмәғәт берләшмәләре буйынса комитеты рәйесе итеп һайлана.

Салауат Юлаев ордены, «Рәсәй парламенты» айырма билдәһе менән наградланған. Башҡортостан Республикаһының атҡаҙанған юрисы. «Берҙәм Рәсәй» Бөтә Рәсәй сәйәси партияһы ағзаһы. Өйләнгән, улы һәм ҡыҙы бар.

#тәғәйенләүҙәр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.