Среда, 15 Апреля 2026

Уфа

+6 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

07:45 (UTC+5), 21 Апреля 2014

Төбәк башлығы республиканың украин ауылында булды

Розалия Вәлиева, Арина Рәхимҡолова

Стәрлетамаҡ районы буйынса эш сәфәре барышында Башҡортостан Президенты Золотоношка ауылында булды. Бында урындағы Мәҙәниәт йортонда ул музей экспонаттарын ҡараны, «Золотоношка» украин тарихи-мәҙәни үҙәктә булды.

Төбәк башлығы менән осрашыуға граждандарҙың активы йыйылды. Улар Золотоношка ауылына 112 йыл элек күсеп килгәндәре тураһында һөйләне, әммә йолаларҙы әле һаман һаҡлай. Бөгөн бында 650 кеше йәшәй, урындағы мәктәптә 82 бала уҡый. Балалар бер үк ваҡытта дүрт телде: рус, украин, башҡорт һәи инглизде өйрәнә. Уларҙың 40 проценты өсөн украин теле тыуған тел булып һанала.

Ауыл халҡы Рөстәм Хәмитовҡа ауылда белгестәр, атап әйткәндә, ветеринар булмағанлығы тураһында һөйләне. Табип күрше ауылдан һирәк кенә килә. Кешеләр шулай уҡ һыуҙың түбән сифатына зарланды. Әммә Калинин исемендәге ауыл хужалығы кооперативы рәйесе Анатолий Коваленко алдағы йәй «Таҙа һыу» программаһы буйынса тикшереү үткәрергә планлаштырыуы тураһында хәбәр итте.

Республика Президенты Стәрлетамаҡ районы башлығына ауыл халҡын эсәр һыу менән тәьмин итеү мәсьәләһен эшкәртергә ҡушты.

Урындағы халыҡ шулай уҡ насар демографик хәлгә зарланды – бер тыуған сабыйға ете үлгән кеше тура килә. Былтыр ауылда ни бары бер бала тыуған.

Анатолий Коваленко шулай уҡ быйыл ферма төҙөргә планлаштырыуы, киләсәктә торлаҡ төҙөргә кәрәк буласағы тураһында һөйләне. Бынан тыш, ферманы тергеҙеү буйынса пландар бар, унда киләсәктә Израилдән ҡорамалдар урынлаштырыласаҡ.

Шулай уҡ Анатолий Коваленко ауылдың тарихы, урындағы украиндарҙың йолалары тураһында һөйләне.

- Ауыл тиҙ күтәрелде, байыны. 10 йыл эсендә игенселәр яҡшы уңыш ала башланы. Хәҙер Украина ауыр тормош кисерә. Тиҙ ваҡыт эсендә былар барыһы ла уңышлы тамамланыр тип ышанам, — тип билдәләне Рөстәм Хәмитов.

Шулай уҡ төбәк башлығы ауыл халҡына республика ҡарамағындағы Ҡырымдың Белогорск районы тураһында һөйләне.

- Беҙҙең бурыс – күләмдәр кәмемәһен өсөн, нимә бар, шуны һаҡлау. Быға өлгәшеп була, — тине Рөстәм Хәмитов.

1 из 8

#бр президенты #халыҡ менән эшләү

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.