Башҡортостан Президенты Рөстәм Хәмитов ҡушыуы буйынса республика Хөкүмәтендә Ҡырымдың Белогорск районына ярҙам итеүҙә төбәк дәүләт власы башҡарма органдарының бәйләнешле хәрәкәтен ойоштороу буйынса оператив штаб ойошторолдо.
Башҡортостан Дәүләт заказдарын урынлаштырыу буйынса дәүләт комитеты рәйесе Сергей Новиков етәкселегендәге төркөм составына республика Хөкүмәте Аппаратының структура бүлексәләре етәкселәре инде.
Штабтың эше башланды. Ошо көндәрҙә Башҡортостан Хөкүмәте Йортонда беренсе оператив кәңәшмә уҙҙы, уның эшмәкәрлеге буйынса тәү сираттағы бурыстар билдәләнде, тип хәбәр итә төбәк Дәүләт заказдарын урынлаштырыу буйынса дәүләт комитетының матбуғат хеҙмәте.
Бөгөнгө көнгә Белогорск районы хакимиәте менән һөҙәмтәле үҙ-ара эш итеүҙе тәьмин итеү, шулай уҡ ҡырымдарға матди һәм социаль ярҙам күрһәтеү буйынса эште төҙәтеү өҫтөнлөклө йүнәлештәр булып тора.
Ҡырым халҡына финанс ярҙам буйынса хәйриә акцияһы әле лә дауам итә. Теләүселәр үҙ средстволарын киләһе реквизиттар буйынса махсус иҫәпкә күсерә ала:
ИНН 0274900243 (КПП 027401001)
«Рәсәй Һаҡлыҡ банкы» асыҡ акционерҙар йәмғиәтенең 8598-се Башҡортостан бүлексәһе
Алыусыһы: Социаль маҡсатлы программалар фонды
Түләүҙең тәғәйенләнеше: Ҡырым Республикаһының Белогорск районы үҫешенә бушлай ярҙам
450000, Өфө ҡалаһы, Цюрупа урамы, 17
450000, Өфө ҡалаһы, Цюрупа урамы, 17, 6-сы ҡат, 10-сы офис
Тел.: +7 (347) 246-38-76.
Башҡортостан халҡы һәм предприятиеларының Ҡырым халҡына 20 миллион һумдан ашыу аҡса йыйғаны тураһында алдан хәбәр ителгәйне. Иҫегеҙгә төшөрәбеҙ, Ҡырым халҡына гуманитар ярҙам күрһәтеү өсөн аҡса йыйыу республикала Башҡортостан Президенты Рөстәм Хәмитов инициативаһы буйынса ойошторолған.