Рәсәй Президенты милләт-ара тыныслыҡты яҡлау бурысы ҡуйҙы

— Йәмғиәттә асыҡтан-асыҡ һөйләшеүҙе талап иткән мөһим тема — этник-ара мөнәсәбәттәр, — тине Рәсәй Президенты Владимир Путин Федераль Йыйылышҡа йыллыҡ Мөрәжәғәтнамәһендә. — Бында беҙҙең күп проблемаларыбыҙ, социаль-иҡтисади һәм территориаль үҫештәге күп ҡыйынлыҡтар тупланған: коррупция ла, дәүләт институттары эшендәге кәмселектәр ҙә, һәм, әлбиттә, белем биреү һәм мәҙәни сәйәсәттәге уңышһыҙлыҡтар, былар барыһы ла этник-ара көсөргәнештең ысын сәбәптәрен дөрөҫ аңламауға килтерә. Уны ниндәй ҙә булһа халыҡтар вәкилдәре түгел, ә үҙенең дә, башҡаларҙың да ғөрөф-ғәҙәттәрен, мәҙәниәтен ихтирам итмәгән кешеләр ҡабартып ғауға һала. Беҙ бындай әхләҡһеҙлек күренештәренә ҡаршы бергәләп көрәшергә, милләт-ара берҙәмлекте, тимәк, Рәсәй дәүләтенең берҙәмлеген һәм бөтөнлөгөн бергәләп яҡларға тейешбеҙ, — тип һыҙыҡ өҫтөнә алды Владимир Путин.