Туймазы һәм Ауырғазы райондарында – яңы башлыҡтар

Людмила Терновая

Туймазы һәм Ауырғазы райондарында кадрҙар алмашынды.

Туймазы районы муниципаль районы Советы ултырышында Суфиянов Айҙар Рифғәт улын Башҡортостан Республикаһы Туймазы районы муниципаль районының хакимиәте башлығы итеп тәғәйенләү тураһында ҡарар ҡабул ителде. Ошо уҡ көндө Ауырғазы районы Советы депутаттары ла үҙ районы хакимиәте башлығы вазифаһына Иҙрисов Зөфәр Йәүҙәт улын тәғәйенләргә ҡарар итте.

Суфиянов Айҙар Рифгғәт улы 1972 йылдың 21 июлендә Туймазы ҡалаһында тыуған. Юғары белемле, Иваново дәүләт химия-технология академияһын, БР Президенты ҡарамағындағы Башҡортостан дәүләт хеҙмәте һәм идара итеү академияһын тамамлаған. Хеҙмәт эшмәкәрлеген 1989 йылда Туймазы автобетоновоздар заводының иретеп йәбештереү цехы слесары булып башлай. 1990-1995 йылдарҙа — Иваново дәүләт химия-технология академияһында уҡый. 1995-2003 йылдарҙа — Туймазы ҡалаһы һәм Туймазы районы хакимиәтенең йәштәр эштәре буйынса бүлеге мөдире, йәштәр сәйәсәте буйынса комитеты рәйесе. 2003-2004 йылдарҙа — Туймазы ҡалаһының «Төньяҡ» муниципаль берәмеге башлығы. 2004-2007 йылдарҙа — Туймазы районы һәм Туймазы ҡалаһының «Торлаҡ-коммуналь хужалығы идаралығы» муниципаль-унитар предприятиеһы директоры. 2007-2008 йылдарҙа — Туймазы районы муниципаль районы хакимиәте башлығының торлаҡ-коммуналь хужалыҡ буйынса урынбаҫары вазифаһын башҡарыусы. 2008-2012 йылдарҙа — Туймазы районы муниципаль районы хакимиәте башлығының торлаҡ-коммуналь хужалыҡ буйынса урынбаҫары. 2012 йылдың июленән әлеге ваҡытта район башлығы итеп тәғәйенләгәнгә тиклем Башҡортостан Республикаһы торлаҡ-коммуналь хужалығы министры урынбаҫары булып эшләй.

Иҙрисов Зөфәр Йәүҙәт улы 1964 йылдың 12 сентябрендә Ауырғазы районының Яңы Юлдаш ауылында тыуған. Башҡортостан ауыл хужалығы институтын тамамлаған. 1981-1982 йылдарҙа — Ауырғазы районының Ильич исемендәге колхозы һөтсөлөк фермаһында слесарь, 1982-1987 — Башҡортостан ауыл хужалығы институты студенты, 1987-1992 — Ильич исемендәге колхозда инженер-технолог, 1992-2002 — «Сулпан» ауыл хужалығы производство кооперативы рәйесе, 2002-2005 — Ауырғазы районы хакимиәте башлығы урынбаҫары — ауыл хужалығы идаралығы начальнигы. 2013 йылдың сентябренән Ауырғазы районы муниципаль районы хакимиәте башлығы вазифаһын ваҡытлыса башҡарҙы.

#урындағы власть #тәғәйенләүҙәр #муниципаль берәмек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.