Мәскәүҙә Рөстәм Хәмитов Хеҙмәт һәм мәшғүллек буйынса федераль хеҙмәт етәксеһе Всеволод Вуколов менән осрашты

"Башинформ"

25 апрелдә Мәскәүҙә Башҡортостан Президенты Рөстәм Хәмитов Хеҙмәт һәм мәшғүллек буйынса федераль хеҙмәт етәксеһе Всеволод Вуколов менән осрашты. Осрашыуҙа хеҙмәтте һаҡлау өлкәһендә заманса эш урындары булдырыу, контролде көсәйтеү, ҡағиҙә боҙоу өсөн яуаплылыҡты арттырыу, халыҡ мәшғүллеге хеҙмәтен яңыртыу мәсьәләләре тикшерелде, тип хәбәр иттеләр төбәк башлығының матбуғат хеҙмәтенән.

Рөстәм Хәмитов Башҡортостанда уртаса айлыҡ эш хаҡының 2012 йылда 14 проценҡа артып, 20459 һум тәшкил итеүе тураһында һөйләне. Шул уҡ ваҡытта һаулыҡ һаҡлау һәм социаль хеҙмәттәр күрһәтеү өлкәһе хеҙмәткәрҙәренең килеме – 24,4 процентҡа, мәғариф хеҙмәткәрҙәренең эш хаҡы 19,8 процентҡа артты. Килеме йәшәү минимумы күләменән кәмерәк булған халыҡ өлөшө 12,6 проценттан (2010 йыл) 10,2 процентҡа (2012 йыл) тиклем кәмене. Эшһеҙлек кимәле 7,6 проценттан (2011 йыл) 6,1 процентҡа (2012 йыл) тиклем кәмене.

Всеволод Вуколов билдәләүенсә, эш урындарының сифатын яҡшыртыу буйынса эште дауам итергә кәрәк, бының өсөн урындарҙа хеҙмәт инспекцияларын көсәйтеү мотлаҡ. Башҡортостанда 1,2 миллион хеҙмәткәргә ни бары 20 дәүләт хеҙмәт инспекторы тура килә. Бынан тыш, Хеҙмәт һәм мәшғүллек буйынса федераль хеҙмәт етәксеһе фекеренсә, халыҡ мәшғүллеге хеҙмәтенең эшмәкәрлеген яңыртырға кәрәк, заманса кадрҙар агентлыҡтары менән конкурентлыҡ итә алырлыҡ булһын. Рөстәм Хәмитов Башҡортостандың был йүнәлештәр буйынса пилот төбәк булырға әҙер булыуын белдерҙе.

#бр президенты осрашыуҙары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.