Башҡортостанда күп балалы ғаиләләргә бүленгән ер участкаларының сифаты тикшереләсәк

Ғәлиә Нәбиева

2013 йылдың 1 майына тиклем Рәсәй Президентының Волга буйы федераль округындағы тулы хоҡуҡлы вәкиле аппараты төбәктәрҙә күп балалы ғаиләләргә бушлай ер участкалары биреү практикаһына анализ яһаясаҡ. Тейешле бойороҡҡа көн элгәре Рәсәй Президенты Владимир Путин ҡул ҡуйҙы.

Тикшереү сиктәрендә һәр төбәктең участкаларға ихтыяжы уларҙың ғәмәлдәге һаны менән сағыштырыласаҡ, шулай уҡ төбәк һәм муниципаль властарҙың участкаларҙа тейешле инфраструктура булдырыу буйынса мөмкинлектәре баһаланасаҡ.

Башҡортостанда өс меңдән ашыу күп балалы ғаилә бушлай ер участкалары алған. Өс һәм унан да күберәк балиғ булмаған бала тәрбиәләгән граждандарға, шулай уҡ инвалид бала тәрбиәләгән ғаиләләргә ер участкалары бүлеү процесын Башҡортостан Президенты һәм республика парламентарийҙары айырыуса контролдә тота. Тейешле норматив-хоҡуҡи база формалаштырылған, участкалар бер тапҡыр һәм бушлай бирелә.

Һуңғы мәғлүмәттәргә ярашлы, Башҡортостанда 3260 күп балалы ғаилә һәм инвалид бала тәрбиәләгән 706 ғаилә ер участкаһы алған. Бөгөнгө көндә республикала 35730 күп балалы ғаилә йәшәй, уларҙың яртыһынан әҙерәге ер участкалары алыуға ғариза яҙған.

#рәсәй президенты #күп балалы ғаиләләр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.