Рөстәм Хәмитов Өфөләге шәхси бала баҡсаһында булды

Ольга Мортазина

Башҡортостан Президенты Рөстәм Хәмитов кесе йома, 10 ғинуарҙа, Өфөнөң Достоевский урамындағы шәхси бала баҡсаһында булды. Был визит шәхси мәктәпкәсә белем биреү учреждениеһының эшмәкәрлеге менән танышыу һәм уның проблемаларын хәл итеүҙә ярҙам күрһәтеү маҡсатында ойошторолдо. Бала баҡсаһы хужаһы Эвелина Северина был мәсьәләләр хаҡында Президент Хакимиәтенә яҙған. Уның һүҙҙәренсә, учреждение 2009 шәхси предприятие булараҡ асылған. «Беренсе ҡатта урынлашҡан 56 квадрат метрлыҡ фатирҙың майҙанын 74 квадрат метрға тиклем ҙурайтып, унан бала баҡсаһы эшләнек. Шулай итеп, әлеге ваҡытта учреждениела ике уйын бүлмәһе, берәр йоҡо, аш-һыу һәм ванна бүлмәһе бар. Аш әҙерләргә әсәйем ярҙам итә, продукттар һатып алыу, ремонт эштәрен башҡарыу һәм барлыҡ техника тормош иптәшем өҫтөндә. Сабыйҙар менән шөғөлләнергә бала ҡараусы ярҙам итә. Төркөмдә 1,5-4,5 йәштәрҙәге 20 бала тәрбиәләнә», — тип һөйләне Эвелина.

Осрашыуҙа ҡатнашҡан Өфө хакимиәте башлығы Ирек Ялалов Президентҡа хәбәр итеүенсә, ҡалала бындай 54 бала баҡсаһы бар.

Президент билдәләүенсә, шәхси бала баҡсалары системаһын үҫтереү мөһим.

— Бөгөнгө көндә республикала 3-6 йәштәрҙәге 195 мең бала иҫәпләнә, Өфөлә ете йәшкә тиклемге балалар һаны 80 меңгә етә. Фаразлауҙар буйынса, 2016 йылға мәктәпкәсә йәштәге балалар һаны 225 мең тәшкил итәсәк. Үткән йылда 58 мең сабый тыуған, һуңғы 20 йыл эсендә был иң яҡшы күрһәткес, 1991 йыл кимәле. Белгестәр 2020 йылға тиклем демографик үҫеш вәғәҙәләй. Барлыҡ был сабыйҙарға бала баҡсалары кәрәк буласаҡ һәм дәүләт учреждениелары төҙөп кенә мәсьәләне хәл итеп булмаясаҡ. 2012 йылда республика 5 миллиард һум аҡса тотондо, һөҙөмтәлә 10 меңгә яҡын яңы урын барлыҡҡа килде. Дәүләт учреждениеһында бер урын 500-700 мең һумға төшә. Шәхси бала баҡсаһына килгәндә, әгәр мэрия 100 квадрат метрлыҡ фатирҙы 4 миллион һумға һатып алып, 15 урынлыҡ бала баҡсаһы ойоштороу өсөн уны шәхси кешеләргә тапшырһа, ул ваҡытта бер урын яҡынса 260 мең һум торасаҡ, был ике тапҡырға кәмерәк.

Өфө хакимиәте башлығы хәбәр итеүенсә, элекке мәктәпкәсә белем биреү учреждениелары биналарын кире ҡайтарыу дауам итә.

Рөстәм Хәмитов ҡала башлығына шәхси бала баҡсалары менән эшләү схемаһын тикшереп, артыҡ мәшәҡәттәрҙе бөтөрөргә ҡушты. Президент һүҙҙәренсә, эшлекле инициативалар юлында кәртәләр булдырыу чиновниктар енәйәтенә тиң. «Беҙгә мөрәжәғәт итеп дөрөҫ эшләгәнһегеҙ, беҙ мәсьәләләрҙе хәл итеүҙә ярҙам күрһәтеү өсөн эшләйбеҙ», — тине республика башлығы йәш эшҡыуарға. Осрашыу аҙағында Президент бала баҡсаһына уйынсыҡтар бүләк итте.

#бр президенты #шәхси бала баҡсаһы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.