Республика Президенты төбәктең Йәмәғәт палатаһы эшмәкәрлегендәге үҙгәрештәргә бәйле законға ҡул ҡуйҙы

Людмила Терновая

Көн элгәре Башҡортостан Президенты Рөстәм Хәмитов «Башҡортостан Республикаһының Йәмәғәт палатаһы тураһында»ғы Башҡортостан Республикаһы законына үҙгәрештәр индереү хаҡында» БР законына ҡул ҡуйҙы. Проект БР Дәүләт Йыйылышы – Ҡоролтайҙың һуңғы ултырышында ҡаралды һәм үткән аҙнала, 20 декабрҙә һуңғы уҡыуҙа ҡабул ителде. Закон федераль ҡануниәттәге үҙгәрештәргә бәйле һәм Палатаның статусын күтәреүгә йүнәлтелгән.

Документтағы нормаларға ярашлы, граждандарҙың һәм йәмәғәт ойошмаларының хоҡуҡтарын һәм законлы мәнфәғәттәрен үтәүгә бәйле көнүҙәк мәсьәләләрҙе тикшереүгә граждандар, йәмәғәт ойошмалары һәм киң мәғлүмәт саралары вәкилдәре йәлеп ителәсәк. БР Йәмәғәт палатаһы Рәсәй Федерацияһының Йәмәғәт палатаһы һәм субъекттарҙың, муниципаль берәмектәрҙең йәмәғәт палаталары менән бәйләнеш булдырырға тейеш.

Бынан тыш, Палата төбәктә гражданлыҡ йәмғиәтен үҫтереү йүнәлешендә эшмәкәрлек алып барған йәмәғәт ойошмаларына мәғлүмәти һәм методик ярҙам күрһәтергә бурыслы.

Йәмәғәт палатаһы ағзалары БР Дәүләт Йыйылышы – Ҡоролтай ултырыштарында, шулай уҡ республика Хөкүмәте, башҡарма власть органдары коллегияларының ултырыштарында ҡатнашасаҡ.

Палата ҡарарҙары тәҡдим рәүешендә Башҡортостан Президентына, республиканың Дәүләт Йыйылышына, Башҡортостан Хөкүмәтенә, республика башҡарма власть органдарына һәм урындағы үҙидара органдарына йүнәлтеләсәк.

Йәмәғәт палатаһы эшмәкәрлеген мәғлүмәти йәһәттән тәьмин итеү өсөн рәсми сайт булдырыу күҙ уңында тотола. Закон 2013 йылдың 1 ғинуарында үҙ көсөнә инәсәк.

#ҡануниәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.