Четверг, 16 Апреля 2026

Уфа

+6 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

06:18 (UTC+5), 17 Декабря 2012

Өфөлә кадрҙар әҙерләү программаһына 15 йыл тулыу айҡанлы Президент балы үтте

Арина Рәхимҡолова

Өфөлә халыҡ хужалығы тармаҡтары өсөн идара итеүсе кадрҙар әҙерләү президент программаһына 15 йыл тулый уңайынан Президент балы үткәрелде. Байрамды ойоштороусылар булып БР Президенты ҡарамағындағы Башҡортостан дәүләт хеҙмәте һәм идара итеү академияһы һәм Башҡортостан Республикаһының Президент программаһын тамамлаусылар ассоциацияһы сығыш яһаны.

Сараны асып, БР Хөкүмәте Премьер-министры Евгений Маврин белем алыуҙың һәр уңышлы кешенең тормошонда мөһим роль уйнауын билдәләне.

– Президент программаһы сиктәрендә үткән юлығыҙ һеҙҙе шәхси еңеүҙәргә түгел, ә йәмғиәтебеҙ, тыуған яҡ именлегенә хеҙмәт итәсәк уңыштарға илтәсәк. Программаны тамамлаған кешеләр Ватаныбыҙҙы, илдең иҡтисадын ҙур һөҙөмтәләргә килтерергә тейеш, - тип билдәләне Евгений Маврин.

БР Президенты ҡарамағындағы Башҡортостан дәүләт хеҙмәте һәм идара итеү академияһы ректоры Сергей Лаврентьев билдәләүенсә, Федераль программалар араһында әлеге программа иң оҙайлыһы.

– 15 йыл – ул бик күп ваҡыт, ул йыл һайын программаға ингән 100-130 кеше. Улар тик белем аша ғына уңыштарға өлгәшеп булыуын аңлай. Был һеҙҙең шәхси уңыш программаһы, артабан унан республика һәм тотош ил уңышы формалашасаҡ,- тине Сергей Лаврентьев.

Тантаналы сарала дәүләт власы органдары вәкилдәре, белем биреү учреждениелары, коммерция компаниялары, ҙур предприятиелар етәкселәре ҡатнашты.

Шулай уҡ сара сиктәрендә Башҡортостан Республикаһының Президент программаһын тамамлаусылар ассоциацияһының презентацияһы үтте, уны тамамлаусыларҙың иң яҡшы проекттары күргәҙмәһе ойошторолдо, программала ҡатнашыусылар сығыш яһаны.

1 из 20

#президент программалары #байрамдар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.