Шаршамбы, 15 Апрель 2026

Өфө

+8 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

05:02 (UTC+5), 10 Декабрь 2012

Башҡортостан Президенты Учалы районында булды

Розалия Вәлиева, Эльмира Сабирова

Башҡортостан Президенты Рөстәм Хәмитов эш сәфәре менән Учалы районында булды.

Төбәк башлығы республикала берҙән-бер муниципаль филармония эшмәкәрлеге менән танышты. Унда капиталь ремонттан һуң концерт залы асылған.

Учалы районының төп мәҙәниәт үҙәге 1970 йылда төҙөлгән, шул ваҡыттан алып бында капиталь ремонт бер тапҡыр ҙа үткәрелмәгән. Концерт залы һуңғы ваҡытта тейешле талаптарға, тәү сиратта янғын хәүефһеҙлеге талаптарына яуап бирмәгән. Шуға күрә 2011 йылдың яҙында залды ремонтҡа ябырға ҡарар ителгән.

Төҙөүселәрҙең тырышлығы менән концерт залы тулыһынса яңыртылған. Рөстәм Хәмитов Учалы филармониһының реконструкциянан һуң асылған залының акустика һәм яҡтыртыу мөмкинлектәре хаҡында ҡыҙыҡһынды.

Мәҙәниәт учреждениеһы директоры Ильвера Гибаева һөйләүенсә, зал заманса техника менән йыһазландырылған, бында яңы акустика системалары урынлаштырылған. Шулай уҡ, «яңы залда урындар һаны 500-ҙән 400-гә тиклем кәметелде, был тамашасыларға уңайлы булһын өсөн эшләнде», тине директор.

Өҫтәп үтәйек, ремонтҡа республика бюджетынан – яҡынса 23 миллион һум, район бюджетынан 10 миллион һумдан ашыу аҡса йәлеп ителде.

Артабан Президент ауыл хужалығы йәрминкәһендә булды, унда райондың ауыл хужалығы предприятиелары һәм фермер хужалыҡтары вәкилдәре үҙ продукцияһын тәҡдим итте. Рөстәм Хәмитов продукция ассортименты һәм уларға хаҡтар менән танышты, һатып алыусылар һәм йәрминкәлә ҡатнашҡан һатыусылар менән аралашты.

Урындағы халыҡ республика башлығынан йәрминкәләр үткәреү йолаһын артабан да дауам итеүҙе һораны. «Йәрминкәләр киләсәктә лә үткәреләсәк», тип ышандырҙы Рөстәм Хәмитов.

1 из 12

#бр президентының эш сәфәрҙәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.