Кесе йома, 22 Октябрь 2026

Өфө

+2 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Сәйәсәт

15:24 (UTC+5), 17 Август 2012

Өфөнөң Дим биҫтәһендә яңы микрорайон төҙөләсәк

Людмила Терновая

Баш ҡаланың Дим районындағы Ухтомский, Дағстан һәм Магистраль урамдары менән сикләнгән территорияны планлаштырыу проекты буйынса йәмәғәт тыңлауҙары көн элгәре район мәктәптәренең береһендә үтте. Унда ҡала Советы депутаттары, ҡала һәм район хакимиәттәре вәкилдәре, проектлаусылар һәм микрорайонда йәшәүсе 170 кеше ҡатнашты, тип хәбәр иттеләр Өфө ҡала Советының матбуғат хеҙмәтенән.

Тыңлауҙарҙа ҡатнашыусыларға тәҡдим ителгән проект кварталды комплекслы үҙләштереүҙе күҙ уңында тота. Унда 9-16 ҡатлы 15 яңы йорт төҙөү планлаштырыла. Проекттың баш архитекторы Ирина Свитская һүҙҙәренсә, үҫешкән инфраструктураның булмауы бөгөн был территорияның төп проблемаһы булып тора. Кварталда почта бүлексәһе, банктар, көнкүреш хеҙмәтләндереү предприятиелары юҡ. Тәҡдим ителгән проект быларҙың барыһын да булдырыуҙы күҙ уңында тота.

Квартал территорияһында 1200 балаға иҫәпләнгән мәктәп, 140 һәм 180 урынға иҫәпләнгән ике бала баҡсаһын, шулай уҡ спорт комплексын төҙөү планлаштырыла. Унда мәктәп уҡыусылары ғына түгел, микрорайонда йәшәүсе барлыҡ халыҡ шөғөлләнә аласаҡ.

Торлаҡ йорттар ер аҫты парковкалары менән тәьмин ителәсәк, улар 750 машинаға иҫәпләнгән. Бынан тыш, квартал территорияһында 350 машинаға иҫәпләнгән күп ҡатлы машиналар ҡуйыу урыны төҙөләсәк, йәнә 400 машинаны ер өҫтөндәге парковкалау урындарына ҡуйып буласаҡ.

Ихаталарҙа уйындар һәм балалар ялы өсөн майҙансыҡтар булдырыласаҡ. Яңы йорт фатирҙарының дөйөм майҙаны 65,4 мең квадрат метр тәшкил итәсәк. Кварталда яҡынса һигеҙ мең кеше йәшәйәсәк.

Йәмәғәт тыңлауҙарында ҡатнашыусыларҙың күпселеге проектты хупланы. Шул уҡ ваҡытта ҡайһы берәүҙәр проектлаусылар менән килешеп етмәй. Мәҫәлән, улар күп ҡатлы парковка урынын алмаштырыуҙы һорай, юғиһә ул «ҡыҙыл линияла» урынлашасаҡ.

Тыңлауҙар барышында барыһыла дөйөм фекергә килде: квартал йәшелләндереү йәһәтенән зыян күрмәҫкә тейеш. Бында йәшәүсе халыҡ үҙенең микрорайонын Өфөлә иң «йәшел»дәрҙең береһе тип иҫәпләй һәм уның шулай булып ҡалыуын теләй.

Проектлаусылар халыҡтың ҡала төҙөлөшө нормаларына ҡаршы килмәгән барлыҡ тәҡдимдәрен иҫәпкә алырға ниәтләй.

1 из 20

#ҡала советы #тыңлауҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.