Өфөлә Башҡортостандың Рәсәй Иҫәп палатаһы менән хеҙмәттәшлеге мәсьәләһе буйынса кәңәшмә үтте

Сергей Захаров | фото: Олег Яровиков

6 июндә Республика Йортонда Рәсәй Иҫәп палатаһы Рәйесе Сергей Степашин менән Башҡортостан Президенты Рөстәм Хәмитов төбәк һәм контроль ведомствоһы араһында хеҙмәттәшлек мәсьәләләре буйынса кәңәшмә үткәрҙе.

Унда Иҫәп палатаһы Аппараты етәксеһе Сергей Шахрай, Торлаҡ-коммуналь хужалыҡты үҙгәртеп ҡороуға булышлыҡ итеү фонды генераль директоры Константин Цицин, республика министрлыҡтары һәм ведомстволары етәкселәре ҡатнашты.

Кәңәшмәлә 2010-2011 йылдарҙағы тикшереүҙәр барышында Башҡортостанда палата аудиторҙары менән асыҡланған етешһеҙлектәрҙе бөтөрөү мәсьәләһе тикшерелде.

Билдәләнеүенсә, ҡағиҙә боҙоуҙарҙы бөтөрөү буйынса план әҙерләнгән, ул 73 сараны үҙ эсенә ала. Шуларҙың 58-һе бөгөнгә көндә үтәлгән, 15-е тормошҡа ашырылыу өҫтөндә, әммә билдәле ҡыйынлыҡтар килеп тыуған саралар ҙа бар.

— Рәсәй Иҫәп палатаһы менән бәйләнештәребеҙҙе юғары баһалайбыҙ, — тине Рөстәм Хәмитов. — Ул республиканың социаль-иҡтисади үҫеше мөмкинлектәренең, уның ресурстарының һөҙөмтәлелеген анализлауға йүнәлтелгән. Һәр йүнәлеш буйынса ғәҙел һәм намыҫлы эш алып барылыуын теләйбеҙ. Беҙгә иҡтисадыбыҙҙың, хужалыҡ механизмының бөтөн көслө һәм йомшаҡ яҡтарын белергә кәрәк, һәм бында беҙгә, әлбиттә, контроль-иҫәп органдары етди ярҙам күрһәтә, — тип һыҙыҡ өҫтөнә алды Президент.

Ул йәнә, Башҡортостандың Рәсәй Иҫәп палатаһы менән хеҙмәттәшлеге 2010 йылдағы үҙ-ара хеҙмәттәшлек итеү тураһында килешеүгә ярашлы алып барыла, тип билдәләне. Уның маҡсаты — төбәк үҫешен стратегик планлаштырыу һәм контролдә тотоу буйынса уртаҡ проекттарҙы тормошҡа ашырыу.

— Былтыр беҙ берлектәге эш төркөмө булдырҙыҡ, уның 2011-2012 йылдарға эш планын раҫланыҡ, унда Башҡортостандың берләштерелгән контракт системаһын формалаштырыу буйынса саралар комплексы ингән. Бөгөн беҙ ошо системаның мәғлүмәти-технологик макетын әҙерләйбеҙ. Әммә Иҫәп палатаһы, иң элек, – контроль органы ул, — тип билдәләне республика башлығы.

Кәңәшмә йомғаҡтары буйынса Сергей Степашин Рөстәм Хәмитовҡа финанс контролен нығытыуы һәм дәүләт, муниципаль финанс контроле системаһын аяҡҡа баҫтырыуға һәм үҫтереүгә ҙур өлөш индергәне өсөн миҙал тапшырҙы. Наградлау тураһындағы ҡарар Рәсәй Контроль-иҫәп органдары ассоциацияһы Президиумы менән ҡабул ителгән, тип хәбәр иттеләр республика Президентының матбуғат хеҙмәтендә.

1 из 2

#бр президенты #иҫәп палатаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.