Өфөлә Рәсәй Контроль-иҫәп органдары ассоциацияһы Президиумының ултырышы асылды

Галина Бахшиева, Любовь Колоколова

Өфөлә бөгөн Рәсәй Федерацияһы Контроль-иҫәп органдары ассоциацияһы Президиумының ултырышы асылды. Уның эшендә РФ Иҫәп палатаһы рәйесе, Контроль-иҫәп органдары ассоциацияһы (АКСОР) рәйесе Сергей Степашин етәкселегендә Рәсәй Федерацияһы субъекттарының контроль-күҙәтеү органдары вәкилдәре ҡатнаша.

Башҡортостан Республикаһы Дәүләт Йыйылышы – Ҡоролтай Рәйесе Константин Толкачев фекеренсә, бөгөн АКСОР бюджет средстволарын үҙләштереүҙе финанс йәһәттән контролдә тотоу мәсьәләһен уңышлы хәл итә.

— Беҙ дәүләт милкен үҙләштереүселәр менән аяуһыҙ көрәш алып барырға, идара итеүгә бәйле ҡабул ителгән ҡарарҙарҙың һөҙөмтәлелеген тәьмин итергә тейешбеҙ. Беҙҙең бурыс – һәр бюджет һумының һөҙөмтәле эшләүен тәьмин итеү, — тип һыҙыҡ өҫтөнә алды Константин Толкачев.

Уның әйтеүенсә, Башҡортостандың Контроль-иҫәп палатаһы торлаҡ-коммуналь хужалыҡ, мәғариф, һаулыҡ һаҡлау кеүек төрлө өлкәләрҙә аҡсаның нисек үҙләштерелеүенә бюджет учреждениеларына әллә күпме тикшереү үткәреүҙә ҡатнашҡан.

Әлеге ваҡытта контроль-иҫәп органдарының дәүләт мәғлүмәт-аналитика системаһы практикала әүҙем эшләй.

— Асыҡланған етешһеҙлектәрҙе йәшереп ҡалдырмайынса, беҙ халыҡтың ышанысын нығытабыҙ. Республиканың Контроль-иҫәп палатаһы етешһеҙлектәрҙе асыҡлауҙа тыш, уларҙың барлыҡҡа килеү сәбәбен дә атай. Беҙ Башҡортостанда муниципаль финанс контроле системаһын булдырҙыҡ, аҡсаның һәр һумы эшкә китһен өсөн, был өлкәлә хоҡуҡ һаҡлау органдары менән тығыҙ хеҙмәттәшлек итәбеҙ. Бюджет ресурстарын контролләү буйынса бай тәжрибә тупланыҡ. Эшләнмәләребеҙ илдең башҡа төбәктәренә лә файҙалы булыр, тип ышанабыҙ, — тине республика парламенты спикеры.

Башҡортостан Президенты исеменән ул АКСОР Президиумы ултырышында ҡатнашыусыларға һөҙөмтәле эшмәкәрлек теләне.

#контроль-иҫәп органдары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.