Суббота, 13 Июня 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:36 (UTC+5), 23 Апреля 2012

Рөстәм Хәмитов Рәсәй сәйәсәте мәктәбен тамамлаусылар менән осрашты

Евгений Рәхимҡолов | фото: Олег Яровиков

Төбәк башлығы Рөстәм Хәмитов Башҡортостан Республикаһында Рәсәй сәйәсәте мәктәбен тамамлаусылар менән осрашыу үткәрҙе. БР Дәүләт Йыйылышы – Ҡоролтай залында был проектта ҡатнашыусыларҙың барыһы ла – йөҙгә яҡын кеше йыйылды. Осрашыуҙа шулай уҡ Сәйәси тикшеренеүҙәр институты директоры, Г.В.Плеханов исемендәге Рәсәй иҡтисад университеты проректоры, Мәскәү дәүләт университеты доценты Сергей Марков, «Берҙәм Рәсәй» партияһының Юғары советы рәйесе советнигы Юрий Котлер, Социаль-консерватив сәйәсәт үҙәгенең генераль директоры Людмила Шувалова, БР Дәүләт Йыйылышы рәйесе Константин Толкачев һәм «Берҙәм Рәсәй» партияһының төбәк башҡарма комитеты етәксеһе Альберт Мифтахов ҡатнашты.

Рөстәм Хәмитов фекеренсә, Рәсәй сәйәсәте мәктәбе кеүек бындай проект республика өсөн юғары кимәлдәге белгестәр әҙерләргә ярҙам итәсәк, улар алдағы ваҡытта сәйәси өлкәлә генә түгел, ябай тормошта ла әүҙем эшләйәсәк.

Башҡортостан Президенты республиканың, дөйөм ил кеүек үк, ауыр осор кисереүен билдәләне. Төбәк үҙенең артабан үҫешеү вариантын эҙләй, башҡа төбәктәр менән конкурентлыҡ итә. Федераль үҙәк менән бүленгән ресурстар, перспективалы инвестицион проекттар һәм иң мөһиме – кеше аҡылы өсөн конкурентлыҡ итергә тура килә.

Рөстәм Хәмитов иҫәпләүенсә, Рәсәй сәйәсәте мәктәбе яҡшы башланғыс булып тора. Һәм уның тәүге өс сығарылышы – үҙенә күрә «йөҙ алтын». Улар араһында проекттары дәүләт кимәлендә яҡлау тапҡан кешеләр ҙә, партия структураларында, башҡарма власть органдарында эшләүселәр ҙә бар.

— Был процестың башы ғына әле, - тип иҫәпләй Рөстәм Хәмитов. – Белгестәр һаны артасаҡ әле, тип уйлайым.

Рәсәй сәйәсәте мәктәбен тамамлаусыларҙың проекттарына республика бөгөн ҙур өмөттәр бағлай. Әммә уларҙы тормошҡа ашырыуҙа йыш ҡына төрлө бюрократик ҡаршылыҡтар ҡамасаулай. Рөстәм Хәмитов һүҙҙәренсә, ҡыҙыҡлы идеяларға бындай ҡаршылыҡтар күрһәтеү тураһында ул яҡшы хәбәрҙар. Төбәк башлығы уларға ҡаршы бергәләп көрәшергә тәҡдим итә.

Бюрократик ҡаршылыҡтарҙан тыш, Рөстәм Хәмитов һүҙҙәренсә, йәмғиәтебеҙҙә тағы ла бер күңелһеҙ күренеш бар. Был халыҡтың күпселек өлөшөнөң пассив булыуы. Был йәһәттән төбәк башлығы Рәсәй сәйәсәте мәктәбен тамамлаусыларҙан ярҙам көтә.

Осрашыу сиктәрендә Рөстәм Хәмитовҡа һәм башҡа ҡунаҡтарға Рәсәй сәйәсәте мәктәбенең өсөнсө сығарылыш уҡыусыларының биш иң яҡшы проекты тәҡдим ителде. Улар - «Тәмәкеһеҙ республика», «Стартҡа хоҡуҡ – ғәмәлдә», «Башҡортостан Республикаһының Халыҡ хөкүмәте», «Ауыл халҡы өсөн медицина-диагностика үҙәге», «Һәүәҫкәр хоккей лигаһы».

Осрашыуҙа тәҡдим ителгән проекттар Рәсәй сәйәсәте мәктәбен тамамлаусылар башҡарған эштең тик бер генә өлөшөн күрһәтә. Ваҡыт тығыҙ булыу сәбәпле, күп ҡыҙыҡлы проекттар был юлы тәҡдим ителмәне. Әммә республика етәкселеге уларҙың барыһын да ҡарап сығасаҡ һәм ярҙам итәсәк.

1 из 20

#башҡортостан президенты #рәсәй сәйәсәте мәктәбе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.