Шаршамбы, 15 Апрель 2026

Өфө

+8 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

04:01 (UTC+5), 20 Апрель 2012

Рөстәм Хәмитов ғалим, тарихсы Александр Чубарьян һәм Ефим Пивовар менән осрашты

«Башинформ» | фото: Олег Яровиков

19 апрелдә Башҡортостан Президенты Рәсәй Фәндәр академияһы Дөйөм тарих институты директоры Александр Чубарьян һәм Рәсәй дәүләт гуманитар университеты ректоры Ефим Пивовар менән эш осрашыуы үткәрҙе.

Осрашыу барышында Рәсәйҙә тарих фәнен үҫтереү мәсьәләләре, шулай уҡ Башҡортостандың, дөйөм алғанда Рәсәйҙең урта дөйөм белем биреү учреждениеларында тарих һәм төбәк компоненттарын уҡытыу үҙенсәлектәре тикшерелде.

Осрашыуҙан һуң журналистар менән аралашып, Александр Чубарьян ғалимдарҙың Өфөгә Рәсәй мәктәптәрендә төбәк компоненттарын уҡытыу мәсьәләһе буйынса тарих уҡытыусылары конференцияһында ҡатнашыу өсөн килеүен билдәләне.

— Республика Президенты менән Башҡортостанда ғына түгел, дөйөм алғанда бөтә илдә тарих фәнен үҫтереү кеүек бик ҡыҙыҡлы һәм көнүҙәк мәсьәлә буйынса әңгәмәләштек. Миндә Президенттың был мәсьәләгә ни тиклем белеп, ҡыҙыҡһынып ҡарауы матур тойғолар ҡалдырҙы, — тине Александр Чубарьян.

Ефим Пивовар, үҙ сиратында, ғалимдарҙың Өфөгә бер конференция өсөн генә килмәүен билдәләне.

— Беҙ Тарих һәм йәмғиәтте өйрәнеү фәне уҡытыусылары ассоциацияһы рәйесе Александр Оганович Чубарьян етәкселегендәге президиумыбыҙҙы үткәрҙек. Ә мин был Ассоциацияның рәйес урынбаҫары булам. Шуға күрә Өфөнөң беҙҙе ошо президиум ултырышын ойоштороусылар итеп кенә түгел, уҡытыусылыҡҡа ҡараш күҙлегенән ҡабул итеүе лә үтә мөһим. Республика башлығы был тема менән ныҡлы ҡыҙыҡһыныуын белдерҙе. Һәм беҙҙең ярҙамда Башҡортостанда үткәреләсәк бер нисә сараны билдәләнек, — тине Ефим Пивовар.

Александр Чубарьян әйтеүенсә, осрашыуҙа әңгәмәселәр «Башҡортостанда тарих фәнен үҫтереүгә булышлыҡ итәсәк саралар үткәреү һәм Башҡортостанға ғына түгел, бөтә Рәсәйгә йоғонтоһо буласаҡ мәктәптәр, шулай уҡ тормошобоҙҙоң башҡа өлкәләре өсөн берлектәге бер нисә эш башҡарыу тураһында һөйләшеп килеште. Башҡортостандың был эштәрҙә инициатива күрһәтеүе яҡшы».

Ефим Пивовар һүҙҙәренсә, «мәктәптә тарих дәресен уҡытыуҙың сифатын күтәреүгә йүнәлтелгән пилот проекты буласаҡ, һәм ул тап Башҡортостан базаһында үткәреләсәк».

Белешмә өсөн. 19 апрелдән 20-һенә тиклем Өфөлә Рәсәй тарихы йылына арналған «Рәсәй тарихы контексында этномәҙәни компонентты уҡытыу» темаһына тарих һәм йәмғиәтте өйрәнеү фәне уҡытыусыларының бөтә Рәсәй конференцияһы үтә. Унда Рәсәй Фәндәр академияһы ғалимдары, Башҡортостан, Адыгея, Мари Иле, Волгоград, Новосибирск, Омск, Свердловск, Силәбе өлкәләренән һәм Хабаровск крайынан вуз педагогтары һәм тарих уҡытыусылары ҡатнаша.

Шулай уҡ 19 апрелдә Өфөлә «Тарих һәм йәмғиәтте өйрәнеү фәне уҡытыусылары ассоциацияһы» бөтә Рәсәй йәмәғәт ойошмаһы президиумының күсмә ултырышы үтте. Унда Рәсәй тарихы йылы сиктәрендәге төп сараларҙы әҙерләү һәм тормошҡа ашырыу мәсьәләһе ҡаралды, тип хәбәр иттеләр төбәк башлығының матбуғат хеҙмәтенән.

1 из 14

#бр президенты осрашыуҙары #фән

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.