Мәскәүҙә Башҡортостан Республикаһы көндәре үтәсәк

«Башинформ»

Башҡортостан Президенты Рөстәм Хәмитов 2012 йылдың 26 апреленән алып 28-нә тиклем Мәскәүҙә Башҡортостан Республикаһы көндәрен үткәреү тураһындағы бойороҡҡа ҡул ҡуйҙы. Башҡортостан көндәре республиканың Рәсәй Федерацияһы субъекттары менән хеҙмәттәшлеген нығытыу һәм артабан үҫтереү маҡсатында ойошторола, тип хәбәр иттеләр төбәк башлығының матбуғат хеҙмәтенән.

Документҡа ярашлы, ойоштороу комитеты булдырылған, уға сараны үткәреү планын раҫларға ҡушылған. Уның сиктәрендә Рәсәй баш ҡалаһында республиканың сәнәғәт һәм инвестицион мөмкинлектәре менән таныштырыуҙы күҙ уңында тотҡан эшлекле форум, тематик түңәрәк өҫтәлдәр, Мәскәү һәм Башҡортостан эшҡыуарҙарының осрашыуҙары үтәсәк. Башҡортостандың рәсми делегацияһы визиты барышында ике төбәк Хөкүмәттәре араһында хеҙмәттәшлек тураһындағы килешеүгә ҡул ҡуйыу планлаштырыла.

Башҡортостан Республикаһы көндәрен үткәреү барышында илдең баш ҡалаһы халҡын һәм ҡунаҡтарын ҙур мәҙәни программа көтә. Мәскәү халыҡ-ара Музыка йортонда төбәктең сәнғәт оҫталары концерты, «Башҡортостан – Евразия ынйыһы» фотокүргәҙмәһе, республика дизайнерҙарының кейемдәр коллекцияһын күрһәтеү, төбәк нәшриәттәрендә баҫтырылған китаптарҙың күргәҙмә-йәрминкәһе ойоштороласаҡ. Шулай уҡ «Яңы манеж» күргәҙмәләр залында Башҡортостан Рәссамдар союзы күргәҙмәһе үтәсәк. «35 мм» кинотеатрында Башҡортостан киноһы көнөн үткәреү планлаштырыла.

#бр президенты бойороҡтары #мәскәүҙә башҡортостан көндәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.