Сәйәси партиялар тураһында яңы закон үҙ көсөнә инде

Евгений Рәхимҡолов

«Сәйәси партиялар тураһында»ғы федераль законға үҙгәрештәр бөгөнгө көндән үҙ көсөнә инә. Документ Дәүләт Думаһы менән 23 мартта ҡабул ителде, уға көн элгәре ил башлығы ҡул ҡуйҙы. Яңы закон тексы «Российская газета»ла баҫтырылған.

Был үҙгәрештәр сәйәси партияларҙы теркәүгә һәм уларҙың эшмәкәрлегенә талаптарҙы ярайһы уҡ еңеләйтә. Атап әйткәндә, элек партияны теркәү өсөн уның ағзаларының һаны 40 мең кеше булыу талап ителһә, хәҙер иһә был һан 500-гә тиклем кәметелде. Теркәлеү процедураһы ла үҙгәртелде.

Бынан тыш, партияларҙың финанс отчет биреү тәртибе еңеләйтелә. Хәҙер улар аҡса алыу һәм тотоноу тураһында финанс отчеттарҙы Рәсәйҙең Үҙәк һайлау комиссияһына өс йылға бер тапшырасаҡ. Бығаса был эш йыл һайын башҡарылғайны.

Яңы ҡанун буйынса, сәйәси партия ете йыл рәттән һайлауҙарҙа ҡатнашмаһа, уның эше туҡтатыла. Элек был осор биш йыл тәшкил итә ине.

Закон шулай уҡ бығаса теркәлгән партияларҙың исеменә оҡшаш яңы исемдәрҙе ҡулланыуҙы ла тыя. Был игеҙәк партияларҙың барлыҡҡа килеүенә юл ҡуймай өсөн эшләнә.

Иҫегеҙгә төшөрәбеҙ, «Сәйәси партиялар тураһында»ғы федераль законға үҙгәрештәр индереү инициативаһын Рәсәй Президенты Дмитрий Медведев үткән йылдың декабрендә үҙенең Федераль Йыйылышҡа Мөрәжәғәтнамәһендә тәҡдим итте. Аҙ һанлы булыу сәбәпле бығаса сәйәси партия булараҡ теркәлә алмаған бихисап йәмәғәт хәрәкәте яңы закон менән файҙаланырға ла ашыҡты – Рәсәйҙең Юстиция министрлығы яңы партиялар теркәү тураһында 70-тән ашыу ғариза ҡабул итте.

#партиялар #закондар сығарыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.