Апрелдә РФ Сауҙа-сәнәғәт палатаһында Мәскәүҙә Башҡортостан Республикаһы көндәре үтәсәк

Любовь Колоколова

27 апрелдә Рәсәй Федерацияһы Сауҙа-сәнәғәт палатаһының Конгресс-үҙәгендә (Ильинка урамы, 6) Мәскәүҙә Башҡортостан Республикаһы көндәре сиктәрендәге саралар үтәсәк. Улар төбәк-ара бәйләнештәрҙе нығытыу маҡсатында үткәрелә.

Сараны ойоштороусылар – Башҡортостан Хөкүмәте, профилле министрлыҡ һәм ведомстволар, БР Сауҙа-сәнәғәт палатаһы.

Мәскәүҙә Башҡортостан Республикаһы көндәре сиктәрендә Мәскәү ҡалаһы менән Башҡортостан Республикаһы араһында дуҫлыҡ һәм хеҙмәттәшлек итеү тураһында килешеүгә ҡул ҡуйыу планлаштырыла. Күргәҙмә экспозицияһы хәҙерге Башҡортостан сәнәғәте ҡаҙаныштарын күрһәтәсәк, Мәскәү халҡын Башҡортостандан сыҡҡан арҙаҡлы шәхестәр, республиканың мәҙәни һәм дини йолалары менән таныштырасаҡ.

Сара ҡунаҡтарының республика тауарҙары күргәҙмәһендә етештереүселәрҙең үҙҙәренән төрлө кәсеп әйберҙәрен, традицион башҡорт сувенирҙарын, эсемлектәр һәм аҙыҡ-түлек һатып алырға мөмкинселеге буласаҡ.

Киң эш программаһы «Рәсәй-Башҡортостан – ышаныслы партнерлыҡ» эшлекле форумын, «Башҡортостан Республикаһы менән Мәскәү ҡалаһы араһындағы сауҙа-иҡтисади мөнәсәбәттәрҙе үҫтереү» кеүек түңәрәк өҫтәлде, Мәскәү предприятиеларына танышыу визиттарын (индивидуаль программалар буйынса), предприятиеларҙың презентацияһын үҙ эсенә ала.

Республиканың сәнғәт оҫталары ҡатнашлығындағы концерт программаһы Башҡортостан Республикаһы көндәре ҡунаҡтарын һәм ҡатнашыусыларҙы милли колориты менән ҡыуандырасаҡ.

БР Сауҙа-сәнәғәт палатаһында хәбәр итеүҙәренсә, әлеге ваҡытта Мәскәү парнерҙары менән сауҙа-иҡтисади хеҙмәттәшлекте үҫтерергә һәм нығытырға, республика тауарҙары күргәҙмә-сауҙаһында ҡатнашырға теләгән предприятиеларҙан заявкалар ҡабул ителә. Бының өсөн 276-20-67, 276-20-73 телефондары аша йәки sitdikova@tpprb.ru электрон адресы буйынса БР Сауҙа-сәнәғәт палатаһының күргәҙмә һәм презентацион эшмәкәрлек департаментына мөрәжәғәт итергә кәрәк.

#мәскәүҙә башҡортостан республикаһы көндәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.