«Берҙәм Рәсәй» Өфөнөң ҡала Советында 21 мандатҡа иҫәп тота

Евгений Рәхимҡолов

«Берҙәм Рәсәй» Өфөнөң яңы ҡала Советында 21 мандатҡа иҫәп тота. Ҡаланың әлеге депутаттары араһында был партия вәкилдәре һаны бер аҙға күберәк. Был хаҡта «Башинформ» агентлығында үткән конференцияла «Берҙәм Рәсәй»ҙең Башҡортостан төбәк бүлексәһе етәксеһе Рөстәм Ишмөхәмәтов хәбәр итте.

Бер мандатлы округтар буйынса һайлау барышында берҙәм рәсәйлеләр мөмкин булған 18 урындан ҡала Советында 12 урын алды, тип билдәләне ул. Партия исемлектәре буйынса кандидаттарға килгәндә, бында өфөлөләр араһында «Берҙәм Рәсәй» өсөн тауыш биреүселәрҙең һаны 50 проценттан ашыуыраҡ тәшкил итте.

Башҡортостандағы Владимир Путинға ярҙам итеү буйынса халыҡ штабы етәксеһе Альберт Мифтахов, Өфө ҡала Советына һайлау һөҙөмтәләренә комментарий биреп, муниципаль һайлау кампанияһының айырмалылығын кешеләрҙең партияны түгел, ә айырым кандидатты һайлауында булыуын билдәләне. «Берҙәм Рәсәй» Өфөләге муниципаль һайлауҙар барышында ышаныслы еңеү яуланы. Был, Мифтахов фекеренсә, ҡала Советына үҙ кандидатураһын тәҡдим итергә теләүсе ҡаланың әүҙем кешеләренең көслө партнер табырға теләүенә бәйле. Бөгөнгө көнгә «Берҙәм Рәсәй» бындай иң көслө сәйәси партнер булып тора.

Был юлы «Берҙәм Рәсәй» вәкилдәре менән бер рәттән Өфө ҡала Советына оппозиция кешеләренең дә сағыштырмаса күпләп эләгеүе, Альберт Мифтахов фекеренсә, ҡала халҡы өсөн ҡулай ғына. Ҡала халҡы хаҡында хәстәрлек күрһәтеүҙәрен иҫбатлап, фракциялар үҙ-ара ярышып эшләһен.

Рөстәм Ишмөхәмәтов һүҙҙәренсә, берҙәм рәсәйлеләр Өфө ҡала Советында үҙҙәренең буласаҡ фракцияһын бөгөндән формалаштыра башлаясаҡ. Алдағы ваҡытта фракция ҡала Советы рәйесе вазифаһына кандидатура билдәләү буйынса ҡарар ҡабул итергә ниәтләй.

— Был күп көс талап иткән эш, - тип һыҙыҡ өҫтөнә алды Рөстәм Ишмөхәмәтов. – Устав буйынса кандидатура хаҡында Мәскәүҙә «Берҙәм Рәсәй»ҙең генераль Советы Президиумы менән уртаҡ фекергә килергә тейешбеҙ. Ошо көндәрҙә кандидат тураһында мәғлүмәттәрҙе йүнәлтәсәкбеҙ. Шул уҡ эш Башҡортостандың башҡа ҡалаларында ла көтөлә.

Рөстәм Ишмөхәмәтов «Берҙәм Рәсәй»ҙең муниципаль һайлау барышында Башҡортостандың башҡа ҡалаларында ла ышаныслы еңеү яулауын билдәләне. Стәрлетамаҡта берҙәм рәсәйлеләр өсөн һайлаусыларҙың – 69,83%, Октябрьскийҙа — 71,72%, Салауатта — 70,01%, Күмертауҙа – 55,83%, Нефтекамала – 58,62%, Сибайҙа 86,36 проценты тауыш биргән. Был ҡала округтары буйынса мәғлүмәттәр.

#партиялар #һайлауҙар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.