Рөстәм Хәмитов эшҡыуар хоҡуҡтары буйынса вәкил тураһында законға ҡул ҡуйҙы

Әлим Фәйезов

Башҡортостан Президенты Рөстәм Хәмитов «Башҡортостан Республикаһында эшҡыуар хоҡуҡтары буйынса вәкил тураһында»ғы Законға ҡул ҡуйҙы, тип хәбәр иттеләр төбәк башлығының матбуғат хеҙмәтенән.

Документҡа ярашлы, эшҡыуарлыҡтың хоҡуҡтарын һәм законлы мәнфәғәттәрен яҡлауҙы тәьмин итеү маҡсатында Башҡортостан Республикаһында эшҡыуар хоҡуҡтары буйынса вәкил вазифаһы булдырыла.

Законда билдәләүенсә, эшҡыуарҙар эшмәкәрлеге тураһындағы ҡануниәтте камиллаштырыу буйынса тәҡдимдәр индереү, был эшмәкәрлекте пропагандалау һәм популярлаштырыу ҙа вәкилдең бурыстарына инәсәк. Уның бәләкәй һәм урта эшҡыуарлыҡ субъекттары хоҡуҡтарын тәьмин итеү өлкәһендә төбәк һәм халыҡ-ара хеҙмәттәшлек итеүҙә ҡатнашыуы ла күҙ уңында тотола.

Башҡортостан Республикаһында 35 йәштән олораҡ булған, юғары белемле һәм эшҡыуарлыҡты үҫтереү өлкәһендә тәжрибәһе булған һәр Рәсәй гражданы эшҡыуар хоҡуҡтары буйынса вәкил була ала. Ул биш йылға тәғәйенләнә, бер үк кеше был вазифаны ике срок рәттән генә биләй ала, артабан икенсе кеше һайланасаҡ.

Законға ярашлы, үҙ бурыстарын үтәгәндә, омбудсмен ниндәй ҙә булһа дәүләт органдарына һәм урындағы үҙидара органдарына буйһонмай.

Башҡортостан Президенты әлеге Закон үҙ көсөнә ингән көндән алып бер ай дауамында республиканың Дәүләт Йыйылышы –Ҡоролтайға эшҡыуар хоҡуҡтары буйынса вәкил урынына кандидатура тәҡдим итәсәк. Республика Президенты вәкил урынына кандидат тәҡдим иткән көндән алып төбәктең Дәүләт Йыйылышы 30 көн дауамында был вазифаға тәғәйенләү тураһында ҡарар ҡабул итергә тейеш.

Закон тексы хоҡуҡи мәғлүмәт буйынса рәсми порталда урынлаштырылған: http://www.npa.bashkortostan.ru/?show=1&seed=294.

#президент указдары #эшҡыуар хоҡуҡтары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.