Бындай программа яҡын арала раҫланасаҡ. Уны тормошҡа ашырыуға федераль бюджеттан 2 млрд һум йүнәлтеләсәк, — тип билдәләне Владимир Путин. — Төбәктәр был эшкә үҙ өлөшөн индерер, тип уйлайбыҙ.
Рәсәй Хөкүмәте Рәйесе, быйыл ғаилә һөтсөлөк фермаларын үҫтереү программаһы киңәйтеләсәк, ер участкаларын рәсмиләштереү эштәре дауам ителәсәк, тип билдәләне.
— Был маҡсатҡа былтыр федераль һәм төбәк бюджеттарынан 120 млн һум йүнәлтелде. Быйыл был сумма 1,4 млрд һум самаһын тәшкил итәсәк, — тине премьер.