Владимир Путиндың йәмәғәт ҡабул итеү бүлмәһе етәксеһе граждандар менән осрашты

Наил Мәһәҙиев

Владимир Путиндың төбәк йәмәғәт ҡабул итеү бүлмәһе етәксеһе, М.Аҡмулла исемендәге Башҡорт дәүләт педагогия университеты ректоры Раил Әсәҙуллин граждандарҙы ҡабул итте. Мөрәжәғәттәрҙең күпселеге торлаҡ темаһына ҡағылды, был мәсьәлә әлегәсә Рәсәйҙә киҫкен проблемаларҙың береһе булып ҡала.

Раил Әсәҙуллин менән осрашыуға Шишмә районынан уның яҡташтары ла килде. Уларҙың һүҙҙәренсә, Алкин ауылында яңы биҫтәләрҙең береһе электр менән тәьмин ителмәгән. Йәмәғәт ҡабул итеү бүлмәһе етәксеһе урында уҡ район хакимиәте башлығы Флүр Уразмәтов менән бәйләнешкә сыҡты. Район башлығы эш сәфәре менән Өфөлә булып сыҡты. Ул хәлде асыҡлау өсөн йәмәғәт ҡабул итеү бүлмәһенә килергә ризалығын белдерҙе һәм Раил Әсәҙуллин менән Шишмә районы халҡының Владимир Путиндың «Берҙәм Рәсәй» партияһына ебәрелгән йәнә бер нисә мөрәжәғәте буйынса һөйләшеү үткәрҙе.

— Бындай аралашыу кешеләргә яҡшы йәшәргә һәм эшләргә ҡамасаулаған проблемаларҙы тиҙерәк хәл итергә ярҙам итер, тип ышанам, - тине Раил Әсәҙуллин муниципалитет башлығы менән аралашыуҙан һуң.

Йәмәғәт ҡабул итеү бүлмәһенә алданған өлөшсөләр ҙә килде. Улар бында беренсе тапҡыр мөрәжәғәт итмәй. Кешеләрҙең аҡсалары фатир вәғәҙә иткән төрлө кооперативтарҙа «батҡан». Раил Әсәҙуллин аҡсаларҙы кире ҡайтарыу буйынса билдәле саралар күрелеүе хаҡында әйтте. Бынан тыш, Йәмәғәт ҡабул итеү бүлмәһе «Берҙәм Рәсәй» партияһы Генераль советы Президиумының алданған өлөшсөләргә ярҙам итеү буйынса эш төркөмө етәксеһе Александр Хинштейнға күрелгән сараларға ярҙам итеү буйынса булышлыҡ итеү үтенесе менән мөрәжәғәт иткән.

#граждандар ҡабул итеү #владимир путиндың өфөләге йәмәғәт ҡабул итеү бүлмәһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.