Башҡортостанда Муса Гәрәевтың тыуыуына 90 йыл тулыу айҡанлы юбилей саралары үткәреләсәк

Евгений Рәхимҡолов

Башҡортостан билдәле летчик, ике тапҡыр Советтар Союзы Геройы Муса Гәрәевтың тыуыуына 90 йыл тулыуҙы билдәләүгә әҙерләнә. Был иҫтәлекле датаға арналған саралар Илеш районында, Өфөлә, республиканың башҡа ҡала һәм райондарында планлаштырыла.

Башҡортостан Хөкүмәте бойороғо менән юбилей сараларына әҙерлек һәм уларҙы үткәреү буйынса ойоштороу комитеты булдырылды. Саралар араһында – тантаналы кисәләр, архив материалдары күргәҙмәһе, ижади эштәр конкурсы, спорт ярыштары, шулай уҡ Муса Гәрәев исеменә бәйле урындарҙы төҙөкләндереү.

Төп саралар летчиктың тыуған көнөнә ҡарата – июндә үткәреләсәк. Шулай итеп, 9 июндә тантаналы сара һәм сәнғәт оҫталары концерты планлаштырыла. Баш ҡаланың Еңеү паркында йәштәр һәм балалар йәмәғәт ойошмалары ҡатнашлығындағы тантаналы митинг үтәсәк.

Йыл дауамында Республика Хәрби Дан музейында Муса Гәрәевтың тормошона һәм ижадына арналған күсмә күргәҙмә ойоштороласаҡ. Шулай уҡ йыл дауамында Өфөнөң мәктәп һәм китапханаларында ҡаһарманлыҡ дәрестәре, хәтер кисәләре, конференциялар ойоштороласаҡ. Республиканың уҡыу йорттары уҡыусылары араһында бокс буйынса Бөтә Рәсәй мемориалы һәм авиамодель спорты буйынса ярыштар шулай уҡ летчиктың тыуыуына 90 йыл тулыуға арналасаҡ. Ә Өфөнөң һәм башҡа ҡалаларҙың мәҙәниәт һәм ял парктарында спорт эстафеталары үткәреләсәк.

Башҡортостандың бөтә ҡала һәм райондарында йыл дауамында Муса Гәрәев китабы мотивтары буйынса әҙәби конкурс, шулай уҡ һүрәттәр бәйгеһе үткәреләсәк.

Өфөлә Муса Гәрәев исеменә бәйле урындарҙы төҙөкләндереү планлаштырыла. Был Хоҙайбирҙин урамы, Дан бульвары, летчиктың Еңеү паркындағы ҡәберлеге. Илеш районының Үрге Йәркәй ауылында уның исемен йөрөткән музейға һәм кинотеатрға капиталь ремонт үткәреләсәк.

#иҫтәлекле көндәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.