Воскресенье, 7 Июня 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

06:20 (UTC+5), 16 Января 2012

Рөстәм Хәмитов һәүәҫкәр спортсылар һәм ветерандар араһында тау саңғыһы һәм сноуборд буйынса Башҡортостан кубогын асыу тантанаһында сығыш яһаны

Тимур Рәхмәтуллин | фото: Олег Яровиков

Республика Президентының матбуғат хеҙмәтенән хәбәр итеүҙәренсә, 15 ғинуарҙа Нуриман районында Башҡортостан Президенты Рөстәм Хәмитов һәүәҫкәр спортсылар һәм ветерандар араһында тау саңғыһы һәм сноуборд буйынса Башҡортостан кубогы ярыштарын асыу тантанаһында сығыш яһаны.

Ярыштарҙа тау саңғыһы спортын һәм сноубордты яратыусылар, шулай уҡ РФ Тау саңғыһы һәм сноуборд федерацияһының квалификацион календарь ярыштарында даими сығыш яһауҙарын биш йыл элек тамамлаған спортсылар ҡатнашты.

Ярыштарҙың киләһе этаптары «Ҡандрыкүл» (Туймазы), «Өйәҙе тау» (Октябрьский), «Аҡ йорт» (Өфө), «Морат тауы» (Белорет), «Олимпик-парк» (Өфө) тау саңғыһы комплекстарының майҙандарында үтәсәк.

— Һеҙҙе бөгөнгө ярыштарҙың асылыуы уңайынан ҡотлайым, — тип мөрәжәғәт итте Рөстәм Хәмитов ярыштарҙа ҡатнашыусыларға. — Беҙ былтыр ойошторған һәүәҫкәр спортсылар лигаһы ярыштары уңышлы үтте. Беҙҙең турала республикала ғына түгел, Рәсәйҙә лә ишеттеләр. Беҙҙең барыбыҙҙы ла тау саңғыһына, сноубордҡа, әүҙем ваҡыт үткәреүгә булған һөйөү берләштерә. Башҡа көндәрҙә эшләгәс, шәмбе-йәкшәмбе ял итеү — дөрөҫ. Беҙ үҙебеҙ яратҡан спорт төрө менән шөғөлләнәбеҙ. Лиганың яҡшы дауамы, һәйбәт һөҙөмтәләре булыр, һәм беҙ тағы ла оҙаҡ йылдар бергә шыуырбыҙ, аралашырбыҙ, тип уйлайым.

Башҡортостан Президенты һүҙҙәренсә, «Павловка паркы»ның тау биттәре бик уңайлы, ҡайһы бер трассаларҙы ул шәхсән үҙе тикшереп ҡараған да инде.

— Тау саңғыһы спортының перспективаларына килгәндә, Стәрлетамаҡ менән Белореттағы тау саңғыһы үҙәктәренең әүәлге данын тергеҙә алырбыҙ, тип ышанам, — тип билдәләне ул. – Киң билдәле тау саңғыһы курорттарына иғтибар итергә кәрәкмәй. Быйылдан алып беҙ Стәрлетамаҡта яһалма ҡар булдырыу эштәрен башларға тейешбеҙ. Ошо уҡ эштәрҙе Белоретта ла башлаясаҡбыҙ – төньяҡ тау битләүен дә, көньяҡтағыһын да эшләйәсәкбеҙ. Бөгөн ресурстар эҙләйбеҙ. Алда беҙҙе матур киләсәк көтә.

1 из 20

#бр президенты #тау саңғыһы спорты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.