Өфөлә граждандар йәмғиәтенең милли сәйәсәтте формалаштырыуҙағы роле тикшерелде

Тимур Рәхмәтуллин

Көн элгәре республика Президенты ҡарамағындағы Башҡортостан дәүләт хеҙмәте һәм идара академияһында «Башҡортостан Республикаһында граждандар йәмғиәтен формалаштырыу һәм милли проблемаларҙы хәл итеү юлдары» тип аталған түңәрәк өҫтәл үтте. Сараны ойоштороусы булып Бөтә донъя башҡорттары ҡоролтайы Башҡарма комитетының дәүләт власы органдары һәм граждандар йәмғиәте институттары менән килешеп эш итеү буйынса комиссияһы сығыш яһаны. Ултырышта республиканың дәүләт власы органдары вәкилдәре, милли-мәҙәни үҙәк етәкселәре, ғалимдар, йәмәғәт эшмәкәрҙәре ҡатнашты.

Түңәрәк өҫтәлдә ҡатнашыусылар «граждандар йәмғиәте» төшөнсәһенең аңлатмаһын, Рәсәйҙә уның формалашыуын, граждандар йәмғиәте менән дәүләт мөнәсәбәттәрен һәм был өлкәләге башҡа мәсьәләләрҙе тикшерҙе. Шулай уҡ Рәсәйҙә милли сәйәсәттең формалашыуы, ил тормошонда милли төбәктәрҙең роле, Башҡортостанда Милләт-ара татыулыҡты нығытыу йылы һөҙөмтәләре ҡаралды.

Башҡортостан Президенты Хакимиәтенең ижтимағи-сәйәси үҫеш идаралығы начальнигы урынбаҫары Ришат Сабитов әлеге теманың, айырыуса күп милләтле Башҡортостанда, көнүҙәк булыуын билдәләне.

— Милләт-ара проблемаларҙы хәл итеү – граждандар йәмғиәтенең мөһим темаларының береһе, - тине ул.

Бөтә донъя башҡорттары ҡоролтайы Башҡарма комитетының дәүләт власы органдары һәм граждандар йәмғиәте институттары менән килешеп эш итеү буйынса комиссияһы рәйесе Фәнил Фәйзуллиндың һүҙҙәренсә, беҙҙең илдә граждандар йәмғиәте формалашыу кимәлендә генә әле, Рәсәй халҡы әүҙем түгел, дәүләттең үҙендә күп хәл ителмәгән мәсьәләләр ҡала.

Ҡыҙыу фекер алышыуҙан һуң түңәрәк өҫтәлдә ҡатнашыусылар, граждандар йәмғиәте институтын үҫтереүгә йүнәлтелгән комплекслы дәүләт программаһын әҙерләргә кәрәк, тигән дөйөм фекергә килде.

#граждандар йәмғиәте #милли сәйәсәт #милләт-ара татыулыҡты нығытыу йылы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.