Республиканың рәсми делегацияһы Латвияла булды

Тимур Рәхмәтуллин

Башҡортостандың рәсми делегацияһы эш визиты менән Латвияла булды. Делегация составында республиканың мәҙәниәт министры вазифаһын ваҡытлыса башҡарыусы Камила Дәүләтова һәм Башҡорт дәүләт опера һәм балет театрының генераль директоры Юрий Стульников булды. Визит Башҡортостан Республикаһының Мәскәүҙәге Тулы хоҡуҡлы вәкиллеге һәм Ригалағы «Салауат Юлаев» Балтика халыҡ-ара үҙәге ярҙамында Рига Думаһының саҡырыуы буйынса ойошторолдо.

Беҙҙең республиканан ҡунаҡтар Латвия милли операһында булды, унда Башҡорт дәүләт опера театрының балет труппаһы уңышлы сығыш яһаны, тип хәбәр итте «Башинформ» агентлығына Башҡортостан Республикаһының Балтика төбәгендәге ЮНЕСКО эштәре буйынса комитеты вәкиле, «Салауат Юлаев» Балтика халыҡ-ара үҙәге идаралығы рәйесе Рина Хәмитова.

Башҡортостан Республикаһының рәсми вәкилдәре Рига Думаһының Тышҡы бәйләнештәр буйынса идаралығының бүлек начальнигы Виктор Булса менән Ригала милли мәҙәниәт объекттарында булды.

Кис көнө ҡунаҡтар өсөн «Дайлес» театры – Я.Райнис исемендәге художестволы академия театрына барыу ойошторолдо. Театр директоры Андрис Витолс театрҙың тарихы һәм бөгөнгөһө хаҡында һөйләгәндән һуң, ҡунаҡтарҙы билдәле Марлен Дитрихҡа бағышланған Раймон Паулстың «Марлен» мюзиклын ҡарарға саҡырҙы.

Икенсе көн яҡташтар, Латвияла йәшәүсе һәм эшләүсе башҡорт һәм татар диаспораһы вәкилдәре менән осрашыуға бағышланды. Латвияның билдәле рәссамы Виталий Ермолаев саҡырыуы буйынса Юрмалаға барыу ойошторолдо. Унда, ҡала үҙәгендә, уның йорто һәм картиналар галереяһы бар. Почетлы ҡунаҡтарҙы Виталий Ермолаев үҙе һәм уның ҡатыны ҡаршы алды.

Юрмалала осрашыу барышында, 2011/2012 йылдар миҙгеле спектаклдәр һаны һәм географияһы буйынса уңышлы булмаҡсы, тип хәбәр иттеләр. Шулай уҡ яҡтар беҙҙең республикаға ла килеү мөмкинлеген тикшерҙе. Башҡортостанда улар Виталий Ермолаевтың күргәҙмәһен, Элина Митина гастролдәрен ойоштормаҡсы һәм М.Лермонтовтың «Демон» әҫәре буйынса Рөстәм Галич ҡуйған спектакль күрһәтмәксе.

Рига Думаһында үткән һуңғы осрашыу барышында Камила Дәүләтова менән Юрий Стульников визитты ойоштороусыларға йылы ҡаршы алғандары, мәҙәни-эш программаһын яҡшы ойошторғандары өсөн рәхмәт белдерҙе. Шулай уҡ ҡунаҡтар башҡорт диаспораһы вәкилдәренә лә Латвия ерендә мәҙәни-милли тамырҙарҙы һаҡлап ҡалғаны һәм үҙ халҡы исеменән лайыҡлы сығыш яһағаны өсөн оло рәхмәтен белдерҙе.

1 из 8

#халыҡ-ара бәйләнештәр #мәҙәниәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.