Владимир Путин Рәсәйҙә исламды яҡлаясағын белдерҙе

Евгений Рәхимҡолов

Рәсәй Хөкүмәте рәйесе Владимир Путин, бер нисә федераль телеканал буйынса тапшырылған «тура бәйләнеш» ваҡытында ил халҡы менән аралашып, Рәсәйҙә дәүләт власының исламды һәр саҡ яҡлаясағын белдерҙе.

Премьер-министрҙың илдәге милләт-ара мәсьәләләргә ҡарата мөнәсәбәте тураһындағы һорауҙы Башҡортостанда йәшәүсе Рөстәм Таймасов бирҙе. Быйыл көҙ Рәсәйҙең Юғары суды мосолмандарҙың Ураҙа һәм Ҡорбан ғәйете байрамдарына ял көндәрен бөтөрөү тураһында ҡарар ҡабул иткәйне. Һәм был республика халҡында ризаһыҙлыҡ тыуҙыра.

– Рәсәй дәүләтселеген һаҡлауҙа ислам диненең роле һәр саҡ ҙур булды, - тине Владимир Путин. – Һәм Рәсәй дәүләт власы исламды һәр саҡ яҡлаясаҡ. Илдең Юғары судының мосолман байрамдарына ҡағылышлы ял көндәрен бөтөрөргә теләүе киләһеләр менән аңлатылалыр: улар беҙҙә дөйөм милләт байрамдары булыуын, Рәсәйҙең һәр төбәгенең айырым байрамдар булдырмауын теләгән.

Шул уҡ ваҡытта Владимир Путин, бында эштең хоҡуҡи ғына түгел, ә әхлаҡи-сәйәси яғын да иҫәпкә алырға кәрәк, тип һыҙыҡ өҫтөнә алды.

Владимир Путин мосолман байрамдары хаҡында ла әйтеп үтте. Ураҙа, уның фекеренсә, һәр яҡлап та матур байрам. Ә Ҡорбан ғәйетенә килгәндә, Рәсәй Хөкүмәте рәйесе мосолмандарға халыҡ алдында ҡорбан салмауҙарын һорап мөрәжәғәт итте. Сөнки быны һәр кем, һәр халыҡ та аңлап етмәй.

Башҡортостан тураһында һүҙ йөрөткәндә, Владимир Путин Өфөнөң Рәсәйҙә ислам дине үҙәге булып тороуын һыҙыҡ өҫтөнә алды. Шулай уҡ ул республиканың иҡтисади уңыштарын да иҫкә алды.

— Башҡортостан менән Татарстан араһында үҙ-ара ярыш барыуын беләм, - тине ул. – Татарстанда күп нәмә, айырыуса Ҡазанды үҫтереү буйынса күп эштәр эшләнгән. Әммә Башҡортостанға ла лайыҡлы баһа биреү зарур. Республиканы һәм Өфөнө үҫтереүгә нигеҙ Башҡортостандың элекке етәкселеге ваҡытында уҡ һалынғайны. Әлбиттә, төбәктә проблемалар етәрлек, әммә бында ныҡлы нигеҙ һалынған.

#тура бәйләнеш #владимир путин #ислам

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.