Стәрлетамаҡта Чечняла һәләк булған һалдаттарҙы иҫкә алдылар

Тимур Рәхмәтуллин

Көн элгәре Стәрлетамаҡтың яугир-интернационалистарына арналған стела янында Чечняла һәләк булған яугирҙарҙы иҫкә алыу көнө сиктәрендә митинг үтте. Унда ҡала округы хакимиәте башлығы Алексей Изотов, уның кадрҙар һәм муниципаль хеҙмәт буйынса урынбаҫары Рөстәм Басыров, Чечен Республикаһындағы ҡораллы конфликтта ҡатнашыусыларҙың «Набат» союзы рәйесе Александр Подобный, 28949-сы хәрби часть командиры Сергей Ксенофонтов, ҡала хакимиәтенең йәштәр сәйәсәте буйынса бүлеге начальнигы Азат Камалетдинов, локаль һуғыштарҙа ҡатнашыусылар, Чечняла һәләк булған һалдаттарҙың әсәләре, студенттар һәм мәктәп уҡыусылары ҡатнашты.

Ҡала хакимиәтенең мәғлүмәт-аналитика бүлегенән хәбәр итеүҙәренсә, Стәрлетамаҡ ҡалаһы һәм районынан 2 меңгә яҡын егет Чечен Республикаһында һәм Кавказдағы башҡа хәрби частарҙа хеҙмәт иткән. Уларҙың 20-һе хәрби бәрелештәрҙә һәләк булған.

— Уларҙың ҡаһарманлығы һәм батырлығы үҫеп килгән быуын өсөн өлгө булып торһон, - тип билдәләне үҙ сығышында Алексей Изотов.

Митинг стелаға сәскәләр һалыу менән тамамланды.

Был көндө митингыла ҡатнашыусылар Стәрлетамаҡ педагогия колледжында булды. Улар иғтибарына әҙәби композиция тәҡдим ителде. «Сода» мәҙәниәт һарайында үткән хәтер кисәһендә Рөстәм Басыров менән Александр Подобный хәрби хәрәкәт ветерандарына, ветерандар хәрәкәтен үҫтереүҙә булышлыҡ иткән ҡала предприятиелары һәм ойошмалары вәкилдәренә рәхмәт хаттары тапшырҙы.

#хәтер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.