1400 йәш сибайлы 4 декабрҙә тәүге тапҡыр һайлауҙарҙа ҡатнашасаҡ

Марина Шумилова

Сибайҙың 1400 егет һәм ҡыҙҙары һайлау хоҡуғын ҡулланыу өсөн 4 декабрҙә тәүге тапҡыр тауыш биреүгә киләсәк. Йәмғеһе Сибайҙа һайлаусылар исемлегендә 47 меңләп кеше иҫәпләнә.

«Башинформ» агентлығына территориаль һайлау комиссияһы рәйесе Вәсил Сәғәҙәтовтың хәбәр итеүенсә, Сибайҙа 23 һайлау участкаһы эшләйәсәк. Участка һайлау комиссиялары әле исемлектәрҙе тикшереүҙе, теркәүҙән төшөрөү таныҡлыҡтары биреүҙе дауам итә. Мөмкинлеге сикләнгән кешеләргә һайлауҙарҙа ҡатнашыу өсөн шарттар тыуҙырыуға ла айырым иғтибар бирелә. Ҡалала 350 самаһы инвалид йәшәй, шуға күрә һайлау учаскаларында пандустар ҡоролған, насар күреүселәр өсөн лупалар һәм трафареттар әҙерләнгән. Ҙур ауырлыҡ менән хәрәкәт иткәндәр өйҙә тауыш бирәсәк, күсмә урналарҙы өйгә алып барыу кәрәклеге тураһындағы мәғлүмәт алдан йыйыла.

Ҡала округының территориаль һайлау комиссияһы рәйесе әйтеүенсә, сәйәси партиялар менән һайлау алды агитацияһы башлыса урындағы киң мәғлүмәт саралары ярҙамында алып барыла: материалдар Сибайҙың ике гәзитендә – «Сибайский рабочий» һәм «Атайсал»да урынлаштырыла.

— Ғөмүмән, һайлауға ҡыҙыҡһыныу ҙур. Сибайҙар һәр ваҡыт юғары электораль әүҙемлек менән айырылып торҙо, 2007 йылдағы Дума һайлауҙарында ла халыҡтың 80 проценты ҡатнашты, — тип билдәләне Вәсил Сәғәҙәтов.

#һайлау

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.