77.9
-0.27
Башҡортостан һәм Өфө яңылыҡтары
91.5
+0.08
69.67
+1.03
19+ °C
Болотло
Бөтә яңылыҡтар
Сәйәсәт
11 Ноябрь 2011, 13:08
Рөстәм Хәмитов эске эштәр органдары хеҙмәткәрҙәрен һөнәри байрамдары менән ҡотланы [видео]
Өфөнөң Нефтселәр мәҙәниәт һарайында полиция хеҙмәткәрҙәренең һөнәри байрамына арналған тантаналы кисә үтте. Сәхнәнән сығыш яһаусылар Милиция көнөнөң исеме яңырыуға ҡарамаҫтан, мәғәнәһе үҙгәрмәүен билдәләне. Эске эштәр министрлығы хеҙмәткәрҙәрен Башҡортостан Президенты Рөстәм Хәмитов ҡотланы:
— Ағымдағы йыл Эске эштәр министрлығы өсөн һынылыш осоро булды. Полиция тураһында федераль закон ҡабул ителде, тармаҡта бик ҙур үҙгәрештәр булды, полиция кәрәк булмаған артыҡ функцияларҙан ҡотолдо. Хеҙмәткәрҙәр араһында ҡыҫҡартылыу булһа ла, эш сифатына зыян килмәне, иң мөһиме — енәйәтселек артыуға юл ҡуйылманы.
Республика территорияһында 2011 йылда 36 меңдән ашыу енәйәт, шул иҫәптән 250-нән ашыу кеше үлтереү, мең ярымға яҡын талау һәм 10 мең самаһы урлау осрағы тикшерелгән. Иҡтисад өлкәһендә биш меңдән ашыу енәйәт иҫкәртелгән, шул иҫәптән бер меңдән ашыуы — коррупцион характерҙа. «Һеҙ ҙур эш башҡараһығыҙ, һәм уларҙың реаль һөҙөмтәләр, енәйәттәрҙе асыу менән тамамланыуы яҡшы», — тип билдәләне Президент.
— Криминалға, ойошҡан енәйәтселеккә ҡаршы тороу өсөн һөҙөмтәлерәк алымдар, шул иҫәптән фән һәм техниканың өр-яңы ҡаҙаныштарын файҙаланыу талап ителә. Иҡтисади һәм һалымға бәйле енәйәтселекте иҫкәртеү, ришүәтселек күренештәре, бюджет средстволарын урлауға ҡаршы көрәшеү айырыуса мөһим, — тип һыҙыҡ өҫтөнә алды Рөстәм Хәмитов.
Полиция хеҙмәткәрҙәрен ҡотлап, ул алдынғы хеҙмәткәрҙәрҙе республиканың Почет грамоталары һәм Рәхмәт хаттары менән бүләкләне.
Тантаналы сараны Башҡортостандың эске эштәр министры Михаил Закомалдин дауам итте. Ведомство етәксеһе Рәсәй Эске эштәр министрлығының Маҡтау грамоталарын, ведомство миҙалдарын, бүләккә ҡорал тапшырҙы, бер нисә кеше почетлы исемдәр алды.
Артабан эске эштәр органдары хеҙмәткәрҙәрен йола буйынса хоҡуҡ һаҡлау структураһы етәкселәре — прокуратурҙар, Федераль яза башҡарыу хеҙмәтенең Башҡортостан Республикаһы буйынса баш идаралығы башлығы һәм башҡалар ҡотланы.
Республика идаралығы начальнигы Виктор Палагин экстремизм һәм терроризмға ҡаршы әүҙем көрәшкәндәре өсөн алдынғы хеҙмәткәрҙәргә Федераль именлек хеҙмәте символикаһы төшөрөлгән ҡоралдар тапшырҙы. Тантана байрам концерты менән тамамланды.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».